ایک سازش کے تحت کراچی کے شہریوں کو پانی کی بوند بوند سے ترسایا جارہا ہے، حلیم عادل شیخ
شدید گرمی میں بجلی کی طویل لوڈشیڈنگ برداشت نہیں کریں گے، حلیم عادل شیخ
شہر کراچی کو کچرہ کنڈی بنانے والے عوام کے نمائندے نہیں ہیں، حلیم عادل شیخ
ملک و قوم کے حقوق کی جنگ لڑنے پر عمران خان کو قید میں رکھا گیا ہے، حلیم عادل شیخ
کراچی(پریس ریلیز تاریخ یکم جون) پی ٹی آئی سندھ کے صدر و سابق اپوزیشن لیڈر سندھ اسمبلی حلیم عادل شیخ نے عادل ہائوس پر میڈیا سے گفتگو کرتے ہوئے کہا ہے کہ کراچی سندھ کا سب سے بڑا شہر ہے ایک سازش کے تحت کراچی کے شہریوں کو پانی کی بوند بوند سے ترسایا جارہا ہے کراچی کے شہریوں کو ٹینکر مافیا کے رحم و کرم پر چھوڑا گیا ہے جو کسی صورت میں برداشت نہیں کریں گے عوام کے مسائل حل نہیں کر سکتے ہیں تو جعلی مینڈیٹ کے ذریعے بننے والے نمائندے فوری مستفعی ہوکر گھر چلے جائیں۔
حلیم عادل شیخ نے کہا شدید گرمی ہونے کے باوجود کراچی کے کئی علاقوں میں 12 سے 15 گھنٹے تک لوڈشیڈنگ کی جارہی ہے جس سے عوام کا جینا محال ہوگیا ہے فوری طور پر غیر اعلامیہ لوڈشیڈنگ کا خاتمہ کیا جائے دوسری صورت میں عوام کے ساتھ ملکر بھرپور احتجاجی تحریک چلائی جائے گی۔
حلیم عادل شیخ نے کہا عید الاضحیٰ قریب ہے لیکن شہر میں جگہ جگہ کچے کے ڈھیر پڑے ہوئے میئر کراچی دیگر مسائل کے کو حل نہ کرنے کے ساتھ شہر کا کچرہ اٹھانے میں مکمل طور ناکام ہوچکے ہیں۔ عید الاضحیٰ کے آمد کے موقعہ پر کوئی خاطر خواہ انتظامات نہیں کئے گئے ہیں خدشہ ہے کہ عید کے دنوں میں شہر کراچی گندگی کا ڈھیر بن جائے گا۔
حلیم عادل شیخ نے کراچی کے تمام نمائندے چوری شدہ مینڈیٹ سے اسمبلیوں تک پہنچے ہیں انہیں عوامی مسائل کا ادراک نہیں ہے عوام کے اصل نمائندے سراپا احتجاج بنے ہوئے ہیں جبکہ جعلی نمائندے اسمبلیوں میں بیٹھے ہیں جنہیں عوام کی کوئی فکر نہیں ہے۔
حلیم عادل شیخ نے کہا پی ٹی آئی پاکستان کی سب سے بڑی جماعت ہے کراچی سے بھاری اکثریت سے پی ٹی آئی کے اراکین جیتے ہیں 22 قومی اسمبلی اور 35 صوبائی اسمبلی کی نسشتیں ہماری چھینی گئی ہیں عدلیہ آزاد ہوتی تو ہمارے کیسز کا فیصل ہوجاتا ہے لیکن 26 ویں آئینی ترمیم کے بعد عدلیہ کو کمزور کر دیا گیا ہے۔
حلیم عادل شیخ نے کہا عمران خان سمیت پی ٹی آئی قائدین اور ہزاروں ورکرز جھوٹے کیسز میں جیلوں میں قید ہیں ان کا قصور صرف یہ ہے کہ انہوں حقیقی آزادی کی تحریک میں حصہ لیا اور ملک و قوم کے حقوق کی جنگ لڑی۔ انہون نے کہا اب ظلم ، جبر کی انتہا ہوچکی ہے بہت جلد حق اور سچ کی جیت ہوگی اور انصاف کی حکمرانی قائم ہوگی۔
کراچی میں بے لگام ڈمپر کی ٹکر سے معروف ماہر تعلیم پروفیسر افتخار احمد بھٹو جاں بحق ہوگئے۔ واقعہ پر افسوس کا اظہار کرتے ہوئے پاکستان تحریک انصاف (پی ٹی آئی) سندھ کے صدر حلیم عادل شیخ نے ڈمپر ڈرائیور کے خلاف سخت کارروائی کا مطالبہ کیا ہے۔
حلیم عادل شیخ نے کہا کہ کراچی میں پہلے ہی بھاری گاڑیوں کے داخلے پر پابندی عائد کی گئی تھی، لیکن اس کے باوجود یہ انفٹ گاڑیاں شہر کی سڑکوں پر بے خوف دندناتی پھر رہی ہیں۔ انہوں نے کہا کہ کراچی میں اب تک درجنوں شہری ان بے قابو ڈمپروں کا نشانہ بن چکے ہیں۔
انہوں نے پروفیسر افتخار احمد بھٹو کے حادثے کو انتہائی افسوسناک قرار دیتے ہوئے کہا کہ دکھ کی اس گھڑی میں ہم مرحوم کے ورثا کے غم میں برابر کے شریک ہیں۔ انہوں نے مطالبہ کیا کہ کراچی میں انفٹ گاڑیوں اور بغیر لائسنس یافتہ ڈرائیوروں کے خلاف سخت اور فوری کارروائی کی جائے تاکہ مزید قیمتی جانوں کو ضائع ہونے سے بچایا جا سکے۔
جاری کردہ ایڈوائرز ٹو صدر پی ٹی آئی سندھ
