کاظم آباد ماڈل کالونی میں رات دو بجے سے بجلی کی فراہمی منقطع ہے ۔ ہر ہفتے کے روز گھنٹوں بجلی کی بندش معمول بن گیا ہے ۔ ایسا کیا تکنیکی فالٹ ہے جو ہر ہفتہ آتا ہے اور گھنٹوں بعد ٹھیک ہوتا ہے
===================
کراچی میں بجلی غیر اعلانیہ بندش پر پارلیمانی کمیٹی کا اظہار برہمی و تشویش
اسلام آباد(طاہر خلیل ) قائمہ کمیٹی برائے حکومتی یقین دہانیوں نے بجلی کی غیر اعلانیہ بندش پر برہمی اور شدید تشویش کا اظہار کرتے ہوئے کراچی الیکٹرک سپلائی کمپنی کو ہدایت کی ہے کہ وہ کراچی میں غیر اعلانیہ لوڈشیڈنگ نہ کرے۔ کمیٹی کا موقف تھا کہ یہ نہایت نامناسب امر ہے کہ بل ادا کرنے والے صارفین کو یوٹیلیٹی بل ادا نہ کرنے والوں کا خمیازہ بھگتنا پڑے۔ کمیٹی نے صارفین کو اوسط کھپت کی بنیاد پر بل نہ دینے کی اور کنڈاکلچر،نا ن ریٹرنگ میں 44 ارب واجبات جمع ،بلوچستان میں گیس پر اوور بلنگ کا مسئلہ حل کرنے کی بھی ہدایت کی پارلیمنٹرینز نےکی شکایت کی کہKESCوسیع پیمانے پر لوڈ شیڈنگ ،صارفین کو اوور بل بھیج رہی ہے ۔
================
متعدد علاقوں میں کئی گھنٹے بجلی بند، شدید گرمی میں شہریوں کا برا حال
30 مئی ، 2025FacebookTwitterWhatsapp
کراچی(اسٹاف رپورٹر)کراچی میں جمعرات کومتعدد علاقوں میں کیبل فالٹس، شیڈول کے مینٹی ننس اور لوڈ شیڈنگ کے باعث کئی گھنٹے بجلی کی فراہمی بند رہی، شدید گرمی میں بجلی سے محروم لوگوں کا برا حال ہو گیا طویل تعطل والے علاقوں میں شہری دن اور رات کو پریشان رہے بعض لوگوں نے رات جاگ کر گزاری ،کے الیکٹرک کا کہنا تھا کہ فالٹ کو دور کرنے میں ٹیمیں مسلسل مصروف رہیں، بجلی کی سپلائی متاثر ہونے سے پانی کا حصول بھی مشکل ہو گیا ہےبعض علاقوں کے مکینوں کا کہنا تھا کہ مرمتی کاموں کے لئے شیڈول کا پہلےسے اعلان نہیں کیا گیا ، رات گئے بھی کئی علاقوں میں بجلی بند ہونے کی اطلاعات تھیں۔
==============
مختلف علاقوں میں احتجاج، ٹریفک جام ہونے سے شہریوں کو مشکلات
30 مئی ، 2025FacebookTwitterWhatsapp
کراچی ( اسٹاف رپورٹر )شہر کے مختلف علاقوں میں ہونے والے احتجاج کے باعث ٹریفک جام ہو گیا اور شہریوں کو شدید مشکلات کا سامنا کرنا پڑا، تفظیلات کے مطابق نیو ایم اے جناح روڈ پر نجی اسکول میں گزشتہ روز خاتون اسکول ٹیچر پر تشدد اور خواتین اسٹاف کو حراساں کرنے کے خلاف احتجاج کیاگیا جس میں خواتین اساتذہ کی بڑی تعداد شامل تھی،مظاہرین نے مرکزی ملزم پولیس اہلکار عبدالحفیظ کی جلد گرفتاری کا مطالبہ کیا،احتجاج کے باعث ٹریفک کی روانی متاثر ہوئی،بعد ازاں پولیس کے ساتھ مذاکرات کے بعد احتجاج ختم کیا گیا ،ایم اے جناح روڈ پر بولٹن مارکیٹ کے دکانداروں نے کسٹم کی کارروائی کے خلاف احتجاج کیا،مظاہرین نے سڑک کو ٹریفک کے لیے بندکر دیا جس کے باعث اطراف کی سڑکوں پر بدترین ٹریفک جام ہو گیا، حیدری مسجد نواب صدیق علی خان روڈ پر علاقہ مکینوں کی جانب سے بجلی اور پانی کی بندش کے خلاف احتجاج کیا گیا جس کے باعث لسبیلہ جانب ناظم آباد روڈ ٹریفک کے لیے بند نے سے ٹریفک جام ہو گیا، باغ کورنگی مزار کٹ کے قریب علاقہ مکینوں نے بجلی کی عدم فراہمی پر احتجاج کیا جس کے باعث باغ کورنگی روڈ شاہ فیصل کالونی آنے جانے والے دونوں روڈ ٹریفک کے لیے بند ہو گئے،بلدیہ نمبر چار پر علاقہ مکینوں نے بجلی کی عدم فراہمی کے خلاف احتجاج کرتے ہوئے حب ریور روڈ اور ناردرن بائی پاس آنے جانے والے دونوں روڈ ٹریفک کے لیے بند کردئیے جس سے ٹریفک جام ہو گیا۔
