لاہور:وزیراعلیٰ پنجاب مریم نواز شریف نے صوبے بھر میں آٹے کے نئے نرخ کے مطابق روٹی کی قیمت فوری طور پر کم کرنے کا حکم دے دیا ہے۔انہوں نے واضح کیا کہ روٹی کے نرخ تاریخ کی کم ترین سطح پر لائے جائیں گے تاکہ آٹے کی قیمتوں میں کمی کا فائدہ براہ راست عام آدمی کو پہنچے۔
وزیراعلیٰ نے پرائس کنٹرول ڈیپارٹمنٹ کو ہدایت کی کہ وہ فوری اقدامات کرتے ہوئے نئی قیمتوں کا نفاذ یقینی بنائیں اور چکن، سبزیوں اور دالوں کی قیمتوں کی بھی سخت مانیٹرنگ کی جائے۔
انہوں نے کہا کہ “غریب آدمی ہفتے میں ایک دن سستا چکن کھا لیتا تھا، اب وہ بھی اس کی پہنچ سے باہر ہو چکا ہے، جو ہمیں ہرگز قبول نہیں۔”
وزیراعلیٰ کی جانب سے یہ اقدامات مہنگائی کے خلاف حکومت پنجاب کی عوام دوست پالیسی کا حصہ ہیں، جس کا مقصد کم آمدنی والے طبقے کو ریلیف فراہم کرنا ہے۔
=======================
اوکاڑہ: رہائشی مکان میں جعلی کلینک چلانے والا ملزم گرفتار
اوکاڑہ میں رہائشی مکان میں جعلی کلینک چلانے والے ملزم کو گرفتار کرلیا گیا۔
پولیس کے مطابق ملزم آصف سرکاری اسپتال میں ملازمت کرتا ہے۔
تھانہ سٹی دیپالپور پولیس نے ملزم کو حراست میں لے لیا ہے جس سے مزید تفتیش کی جارہی ہے۔
ڈی پی او کا کہنا ہے کہ ملزم کو قانون کے مطابق سزا دلوائی جائے گی۔
