وزیر کی بے بسی پر ان کا مذاق اڑنے لگا ،افسران طاقتور نکلے ، وزیر سب کچھ جانتے ہوئے بھی کسی افسر کو عہدے سے ہٹا نہیں سکے ۔
صوبائی وزیر محمد علی ملکانی کا آڈٹ 25-2024 کی رپورٹ میں سامنے آنے والی غفلت/خامیوں کا نوٹس
محکمہ کی کارکردگی پر عدم اطمینان کا اظہار، افسران کو آڈٹ کے دوران سامنے آنے والی خامیوں کو فوری حل کرنے کی ہدایت
کراچی (): صوبائی وزیر لائیو اسٹاک اینڈ فشریز محمد علی ملکانی نے آڈٹ 25-2024 کی رپورٹ میں سامنے آنے والی غفلت/خامیوں کا نوٹس لیتے ہوئے سیکریٹری لائیو اسٹاک اینڈ فشریز کو متعلقہ ونگز کے افسران کو (Displeasure) کے اجراء کی ہدایت کردی۔ صوبائی وزیر کی جانب سے محکمہ لائیو اسٹاک اینڈ فشریز کے افسران کیلئے جاری ہدایات نامہ میں صوبائی وزیر لائیو محمد علی ملکانی نے اپنے محکمہ کی کارکردگی پر عدم اطمینان کا اظہار کرتے ہوئے افسران کو آڈٹ کے دوران سامنے آنے والی خامیوں کو فوری حل کرنے کی ہدایت کی ہے اور تاکید کی ہے کہ نگرانی کے نظام کو مضبوط بنایا جائے تاکہ ایسی خامیاں دوبارہ نہ دہرائی جائیں۔ انھوں نے کہا کہ سرکاری وسائل کا مؤثر استعمال یقینی بنانے کیلئے متعلقہ دفاتر کو ہدایت کی کہ
آئندہ دس دن کے اندر مجوزہ ہدایات پر عمل کریں۔ انھوں نے کہا کہ محکمہ کے مالی و انتظامی امور کی شفافیت اور درستگی کو یقینی بنایا جائے اور حساب کتاب کی صحیح اور مکمل تفصیلات فراہم کی جائی کیوں کہ کسی بھی خامی یا کمی کو جلد از جلد دور کرنا بنیادی ذمہ داری ہے۔ محمد علی ملکانی نے کہا کہ حکومتی وسائل کی مؤثر استعمال کو یقینی بنایا جائے گا، عوام کے اعتماد و محکمہ کی ساکھ ہر ادارے کی کامیابی و ترقی کا بنیادی ستون ہوتے ہیں اور عوام کا اعتماد ادارے کی کارکردگی پر یقین اور تعاون بڑھاتا ہے۔ انھوں نے کہا کہ افسران اپنی ذمہ داریوں کو
ایمانداری، شفافیت اور دیانت داری سے انجام دیں، اعتماد و ساکھ ہی ادارے کیلئے کامیابی، ترقی و عوامی خدمت کے دروازے کھولتے ہیں۔ محمد ملکانی نے ترقیاتی منصوبوں کو بروقت مکمل کرنے کی ہدایت کرتے ہوئے کہا کہ شفافیت و احتساب کے اصولوں کو فروغ دینے کیلئے اہم اقدامات اٹھانے ہونگے۔ انھوں نے ویکسین رجسٹریشن اتھارٹی کے قیام کے عمل کو جلد سے جلد مکمل کرنے کی بھی ہدایت کی جسکا مقصد ممکنہ وبائی امراض سے بچاؤ کیلئے ویکسینیشن کے عمل کو منظم بنانا ہے۔
