27 مئ 2025
اسکردو – اسلام آباد سے آسٹریلوی ہائی کمیشن کے ایک وفد نے اسکردو انٹرنیشنل ایئرپورٹ کا دورہ کیا تاکہ ہوائی اڈے کی سہولیات، ایمرجنسی سروسز اور سیکیورٹی اقدامات کا جائزہ لیا جا سکے۔
وفد میں شامل تھے: مسٹر اسکاٹ گورڈن میکڈونلڈ-گولڈن (سیکنڈ سیکرٹری و قونصل)، مسٹر ولی محمد (منیجر قونصلر و پاسپورٹس)، اور مسٹر ناصر عباس (اسسٹنٹ سیکیورٹی منیجر)۔ ایئرپورٹ منیجر نے افسران کے ہمراہ وفد کا استقبال کیا جن میں آفیسر کمانڈنگ (اے ایس ایف)، انچارج میڈیکل، اور چیف فائر اینڈ ریسکیو آفیسر شامل تھے۔
اس دورے کا مقصد سیاحوں، خصوصاً آسٹریلوی شہریوں، کے لیے دستیاب سہولیات اور حفاظتی انتظامات سے واقفیت حاصل کرنا تھا۔
وفد نے آمد و روانگی لاؤنجز، مسافروں کے ہینڈلنگ کے طریقہ کار، اور ایمرجنسی و سیکیورٹی پروٹوکولز کا جائزہ لیا۔ وفد نے ہوائی اڈے کے انتظامات، صفائی اور خدمات کو سراہا۔
پاکستان ایئرپورٹس اتھارٹی کے زیرِ انتظام اسکردو انٹرنیشنل ایئرپورٹ شمالی پاکستان میں سیاحت کے فروغ میں کلیدی کردار ادا کر رہا ہے اور بین الاقوامی و ملکی سیاحوں کو خوش آمدید کہنے کے لیے مکمل طور پر تیار ہے۔
ترجمان
03202615928
