خبرنامہ نمبر4107/2025
*پشین 27 2025: اسسٹنٹ کمشنر پشین نعمت اللہ ترین نے کہا ہے کہ شہر میں تجاوزات اور غیر قانونی منی پیٹرول پمپس کسی صورت برداشت نہیں کریں گے، شہر اور انکے گلی کوچوں میں قائم غیر قانونی پیٹرول پمپوں سے علاقہ مکین غیر محفوظ ہیں ، رہائشی علاقے میں قائم منی پیٹرول پمپ متعدد بر حادثے کا شکار ہوئے ہیں۔ عوامی شکایات پر ضلعی انتظامیہ رہائشی علاقوں میں چل رہے غیر قانونی منی پٹرول پمپس کیخلاف بھرپور کارروائی کرئیگی ، انہوں نے مزید کہا کہ خودساختہ مہنگاہی اور غیر معیاری اشیاء کیخلاف زیرو ٹالرنس ہوگی ، شہر اور مضافات کے تمام ملک شاپس اور نانبائیوں کو تنبیہ کرتے ہیں کہ وہ ملاوٹ سے گریز کرکے سرکاری نرخنامہ پر عمل درآمد کو یقینی بنائیں۔ بصورت دیگر سخت کارروائی عمل میں لائی جائیگی۔*
خبرنامہ نمبر4111/2025
تربت 27 مئی 2025: کمشنر مکران ڈویژن قادر بخش پرکانی کی زیر صدارت ضلع کیچ میں جاری ترقیاتی منصوبوں کا اعلیٰ سطحی جائزہ اجلاس منعقد ہوا۔ اجلاس میں مکران ڈویژن کے مختلف سرکاری اداروں کے اعلیٰ افسران نے شرکت کی۔
اجلاس میں ایڈیشنل کمشنر مکران ظفر بلوچ، تربت سٹی ڈویلپمنٹ پروجیکٹ کے ڈپٹی پروجیکٹ ڈائریکٹر بہرام گچکی، بلیدہ ٹاؤن پروجیکٹ کے پروجیکٹ ڈائریکٹر، ڈپٹی پی ڈی مکران میڈیکل کالج شاہجہان بلوچ، تربت یونیورسٹی کے پروجیکٹ کوآرڈینیٹر ڈاکٹر کمال بلوچ، ڈویژنل ڈائریکٹر ڈیویلپمنٹ خالد حسین، ایکسیئن بی اینڈ آر گل محمد بلوچ، اربن پلاننگ کے انجینئر عبدالرؤف بلوچ اور دیگر متعلقہ محکموں کے افسران شریک تھے اجلاس شرکاء نے کمشنر مکران کو ضلع کیچ میں جاری ترقیاتی منصوبوں کی موجودہ صورتحال، پیش رفت، اور درپیش مالی و انتظامی چیلنجز پر تفصیلی بریفنگ دی کمشنر قادر بخش پرکانی نے اجلاس سے خطاب کرتے ہوئے کہا کہ صوبائی حکومت کی ہدایات کے تحت عوامی مفاد میں تمام ترقیاتی منصوبوں کی بروقت اور معیاری تکمیل کو یقینی بنایا جائے گا۔ انہوں نے متعلقہ اداروں کو یقین دہانی کرائی کہ درکار مالی و انتظامی معاونت فراہم کی جائے گی تاکہ منصوبوں کی رفتار میں رکاوٹ نہ آئے ڈپٹی
ڈائریکٹر بہرام گچکی نے بریفنگ دیتے ہوئے بتایا کہ تربت سٹی ڈویلپمنٹ پروجیکٹ (TCDP) کا تخمینہ تقریباً 8 ارب 50 کروڑ روپے ہے۔ یہ منصوبہ دو مراحل پر مشتمل ہے، جن میں سے پہلا مرحلہ مکمل ہو چکا ہے جبکہ دوسرے مرحلے پر تیزی سے کام جاری ہے۔ منصوبے میں شہر کی مرکزی شاہراہوں، اسٹیڈیم، ٹیچنگ اسپتال، واٹر سپلائی اسکیمات اور دیگر عوامی فلاحی منصوبے شامل ہیں جبکہ اجلاس میں بلیدہ ٹاؤن پروجیکٹ پر بھی تفصیلی بریفنگ دی گئی، جو دو مراحل پر مشتمل ہے۔ اس میں بلیدہ شہر کی سڑکوں کی بہتری، سرکاری دفاتر، اسپتال، اسکول، آبپاشی اور زرعی اسکیمات شامل ہیں۔ شرکاء کو آگاہ کیا گیا کہ تربت-بلیدہ روڈ کی تعمیر بھی تقریباً مکمل ہو چکی ہے اور چند پلوں کی تعمیر آخری مراحل میں ہے، جو آئندہ چند ماہ میں مکمل کر لی جائے گی۔تربت یونیورسٹی اور مکران میڈیکل کالج کے نمائندوں نے بھی اجلاس کو اپنے اداروں سے متعلق ترقیاتی پیش رفت پر بریفنگ دی۔ تربت یونیورسٹی میں اکیڈمک و رہائشی بلاکس کی تعمیر جاری ہے، جبکہ مکران میڈیکل کالج کے لیے نئے اسپتال بلڈنگ کی تعمیر پر کام ہو رہا ہے محکمہ مواصلات و تعمیرات کے ایکسیئن گل محمد بلوچ نے تربت کے مختلف علاقوں میں سڑکوں کی تعمیر و مرمت سے متعلق معلومات فراہم کیں، جبکہ اربن پلاننگ کے انجینئر عبدالرؤف بلوچ نے شہری ترقی سے متعلق اسکیمات پر روشنی ڈالی کمشنر مکران نے ضلع کیچ میں مجموعی ترقیاتی منصوبوں پر پیش رفت کو تسلی بخش قرار دیا تاہم انہوں نے بعض شعبہ جات میں مزید بہتری کی ضرورت پر زور دیا۔ انہوں نے متعلقہ محکموں کو ہدایت کی کہ تمام ترقیاتی منصوبوں کی کڑی نگرانی کی جائے اور تعمیراتی معیار پر کسی صورت سمجھوتا نہ کیا جائے۔
