خبرنامہ نمبر4110/2025
چمن 27 مئی 2025:
یوم تکبیر کے سلسلے میں چمن کلی ملت آباد ہائی سکول میں ایک پروقار تقریب کا انعقاد کیا گیا تقریب کا مہمان خاص ڈپٹی کمشنر حبیب احمد بنگلزئی اور ونگ کمانڈر کرنل اسلم قمر تھے تقریب میں جے یو ائی کے مرکزی رہنما مفتی محمد قاسم صاحب قبائلی و سماجی رہنما محمد علی اچگزئی علماء کرام قبائلی مشران اساتذہ طلباء میڈیا پرسنز اور دیگر لوگوں نے شرکت کی طلباء نے یوم تکبیر کے سلسلے میں پرجوش تقاریر اور ملی نغمے پیش کیے گئے تقریب سے ڈی سی چمن حبیب احمد بنگلزئی اور ونگ کمانڈر کرنل اسلم قمر نے خطاب کرتے ہوئے کہا کہ 28 مئی 1998 کو پاکستان نے پہلی بار بلوچستان کے علاقے چاغی کے پہاڑوں میں یکے بادیگرے 5 ایٹمی دھماکے کیے گئے اور پاکستان نے یہ قدم بھارت کی ایٹمی دھماکوں کے جواب میں اٹھایا انہوں نے کہا کہ ان دھماکوں کے بعد اللہ تعالٰی کے فضل و کرم سے پاکستان دنیا کا ساتواں اور مسلم دنیا کا پہلا ایٹمی طاقت بن گیا یہ دن پاکستان کی قومی خود مختاری دفاع اور قومی سلامتی کی علامت سمجھا اور منایا جاتا ہے پاکستان ہر سال 28 مئی کو یوم تکبیر کے طور پر مناتی ہے انہوں نے ایٹمی سائنسدانوں اور دیگر شریک کار کو خراج تحسین پیش کیا تقریب سے قبائلی مشران اساتذہ اور علماء کرام نے بھی خطاب کیا تقریب کے آخر میں تقاریر اور ملی نغمے پیش کرنے والے طلباء میں انعامات بھی تقسیم کیے گئے پروگرام کے اختتام پر ہیڈ ماسٹر محمد بلال نے تمام مہمانوں کا شکریہ اداکیا اور ٹی پارٹی کا اہتمام کیا
