27 مئی 2025
راولپنڈی
*راولپنڈی آرٹ کونسل کو سیاسی مداخلت سے پاک کیا جائے۔عاصمہ بٹ*
معروف مصنفہ و ہدایت کارہ محترمہ عاصمہ بٹ نے کہا کہ اداروں کا احترام برقرار رکھا جائے، راولپنڈی آرٹس کونسل کو فنی سرگرمیوں تک محدود رکھا جائے،ان میں سیاسی مداخلت پر پابندی عائد کرنا ہوگی۔فنکار امن کے سفیر ہیں،ملک کے مشکل حالات میں اپنے فن کا مظاہرہ کرکے پرستوں ماحول کو فروغ دینے کے خواہش مند ہیں۔
انھوں نے یہ بات پاکستان مسلم لیگ ن کے رہنما و سینیٹر ناصر محمود بٹ سے اہم ملاقات کے دوران کہی۔جہاں پر راولپنڈی آرٹس کونسل میں فنکاروں کو سیاسی دباؤ سے سامنا سے متعلق مسائل پر گفتگو کی گئی۔سینیٹر ناصر محمود کو بتایا گیا کہ راولپنڈی آرٹس کونسل میں ثقافتی سرگرمیوں کو روکا جا رہا ہے،عاصمہ بٹ نے کہا کہ فنکاروں کے ساتھ زیادتی ہو رہی ہے۔فنکاروں سے جڑے اداروں کو سیاسی مداخلت سے پاک کیا جائے۔ان کا کہنا تھا کہ فنکار امن کا سفیر ہوتا ہے۔پہلے ہی ہمیں ملک دشمن عناصر کا سامنا ہے،ایسے حالات میں عوام کو ڈرامہ کے ذریعے ملک سے محبت کا جذبہ مزید گرمانے اور پُرسکون ماحول برقرار رکھنے کی اشد ضرورت ہے۔انھوں نے بتایا کہ راولپنڈی آرٹس کونسل کے سابق ڈائریکٹر کا تبادلہ فقط اس بات پر کیا گیا کہ انھوں نے فنکاروں کے ساتھ ہونے والی حق تلفی کو تسلیم کیا تھا۔عاصمہ بٹ نے کہا کہ جس طرح پاک افواج نے پاکستان کی سرحدوں کا دفاع کیا اس کی مثال نہیں ملتی۔ہمیں اپنی افواج پر فخر ہے۔فنکار کمیونٹی نے ہمیشہ ملک کے مشکل حالات میں پاک فوج کے حوصلے بلند کیے۔لہذا ان کی سرگرمیوں کو جاری رکھے دینا چاہیے۔جڑواں شہر کے فنکار وزیر اعلیٰ پنجاب محترمہ مریم نواز سے اپیل کرتے ہیں کہ راولپنڈی آرٹس کونسل کو فنکاروں کے لیے بلا تفریق کھولا جائے۔اس پر سینیٹر ناصر محمود بٹ نے کہا کہ عاصمہ بٹ کی فنی خدمات کسی سے پوشیدہ نہیں۔وہ گزشتہ تیس سالوں سے فن و ثقافت کے فروغ کے لیے ملک کی خدمت کر رہی ہیں۔ان کی فنی خدمات کو معترف ہم سب کو ہونا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیپشن:
معروف مصنفہ و ہدایت کارہ عاصمہ بٹ سینیٹر ناصر محمود بٹ سے اہم ملاقات کے دوران فنکاروں کے مسائل سے آگاہ کرتے ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
