بھارتی صحافی برکھا دت کو منہ کی کھانی پڑی
بھارتی صحافی برکھا دت
نئی دہلی : پاکستان کو چین کی ذیلی ریاست ظاہر کرنے کا پروپیگنڈے پر بھارتی صحافی برکھا دت کو منہ کی کھانی پڑی۔
تفصیلات کے مطابق معرکہ حق میں شکست کی ہزیمت چھپانے کے لیے بھارت نے نیا پروپیگنڈا شروع کر دیا لیکن بھارتی میڈیا کا پاکستان کو چین کی ذیلی ریاست ظاہر کرنے کا پروپیگنڈا بے نقاب ہوگیا۔
بھارتی صحافی برکھادت کو اُس وقت منہ کی کھانی پڑی جب انہوں نے پاک چین تعلقات کو متنازع بنانے کی کوشش کی، جس پر بین الا قوامی امور کے ماہر کیشور مہبوبانی نے حقائق بتاکر بھارتی صحافی کو خاموش کرادیا۔
بھارتی صحافی نے کہا کہ بھارتی فوج کودو محاذپر جنگ کا سامنا ہے اور پاکستان کوچینی مفادات کےتسلسل کے طور پر دیکھا جارہا ہے۔
جس پر بین الا قوامی امور کے ماہر کیشور مہبوبانی نے کہا کہ ہم پاکستان،چین کےتعلقات کوصرف بھارتی نقطہ نظر سے دیکھ رہےہیں، ہم صرف کشمیر اور سی پیک کودیکھ رہےہیں۔
کیشورمہبوبانی کا کہنا تھا کہ پاکستان واقعی چین کی ذیلی ریاست ہوتاتواسےآئی ایم ایف کےپاس نہ جاناپڑتا، پاکستان کوچین کی ذیلی ریاست کا لیبل دینا غلطی ہوگا۔
پاک بھارت کشیدگی – مئی 2025
انھوں نے مزید کہا کہ بھارت ہمیشہ ماضی کے مسائل کےاختلافات پرتوجہ مرکوزکرتاہے، بھارت دوسرےممالک سےسبق سیکھنے ،بہترراستہ تلاش کرنے کیلئےنہیں سوچتا، اس وقت پاکستان اور چین کے جغرافیائی سیاسی مفادات کا اتحاد ہے۔
ماہر بین الا قوامی امور کا کہنا تھا کہ امریکا نے کمیونسٹ چین کواندرونی سیاسی نظام نظرانداز کرتے ہوئے پارٹنر کے طور پر چنا، ویتنام اورچین کے درمیان تجارت کوآج دیکھا جاسکتا ہے ، آپ مخالف کو خودکو مضبوط بنانے کے لیے استعمال کرتے ہیں۔
=============================
بھارت میں طبی رضاکار پاکستان سے جاسوسی کے الزام میں گرفتار
سہا دیو سنگھ نے فوجی تنصیبات کی معلومات پاکستانیوں کو شیئر کیں، بھارتی خفیہ ایجنسی کا دعویٰ
بھارتی پولیس نے ریاست گجرات کے علاقے رن آف کچھ سے طبی رضاکار کو پاکستان کے لیے جاسوسی کرنے کے الزام میں گرفتار کرکے اس کے خلاف مقدمہ دائر کردیا۔
انڈیا ٹوڈے کے مطابق گجرات کے اینٹی ٹیرارزم اسکواڈ (اے ٹی ایس) نے رن آف کچھ میں متعدد طبی خدمات ادا کرنے والے رضاکار 28 سالہ سہا دیو سنگھ گوہل کو گرفتار کرکے تفتیش کے لیے احمد آباد منتقل کردیا۔
گرفتار کیے گئے طبی رضاکار سے تحویل میں لیے گئے فون کو فرانزک تفتیش کے لیے بھیج دیا گیا۔
بھاری پولیس نے دعویٰ کیا کہ ابتدائی تفتیش میں ملزم نے پاکستان کے لیے جاسوسی کا اعتراف کرتے ہوئے بتایا کہ اس نے پاکستان کو بھارت کی حساس تنصیبات کی معلومات فراہم کی۔
سہا دیو سنگھ پر الزام ہے کہ اس نے واٹس ایپ کے ذریعے ریاست گجرات میں بھارتی ایئرفورس سمیت دیگر فوجی تنصیبات کی معلومات اور تصاویر کو پاکستانیوں کے ساتھ شیئر کیا۔
ان پر الزام لگایا گیا ہے کہ وہ پاکستان کے خفیہ ادارے ’آئی ایس آئی‘ کے لیے جاسوسی کرتے رہے ہیں۔
پولیس نے دعویٰ کیا کہ ساہ دیو سنگھ گوہل نے بتایا کہ 2023 میں ادیتی بھردواج نامی خاتون نے ان سے واٹس ایپ پر رابطہ کیا اور بعد ازاں معلوم ہوا کہ ان سے رابطہ کرنے والی پاکستانی ایجنٹ ہے۔
رپورٹ میں بتایا گیا کہ گرفتار طبی رضاکار کو مزید تفتیش کے لیے احمد آباد منتقل کرکے ان کے خلاف مقدمہ دائر کردیا گیا جب کہ نامعلوم پاکستانی ایجنٹ کے خلاف بھی مقدمہ دائر کردیا گیا۔
یاد رہے کہ طبی رضاکار کی گرفتاری سے قبل گزشتہ ہفتے بھارتی پولیس نے پنجابی خاتون یوٹیوبر کو بھی پاکستان کی جاسوسی کے الزام میں گرفتار کیا تھا۔
بھارتی پولیس نے حالیہ دو ہفتوں کے دوران ملک کے مختلف شہروں سے یوٹیوبرز، طبی رضاکاروں اور عام افراد سمیت مختلف شعبہ ہائے جات سے تعلق رکھنے والے ایک درجن کے قریب افراد کو پاکستان کی جاسوسی کے الزام میں گرفتار کیا ہے۔
india
Arrested
Medical volunteer
spying for Pakistan
