مودی کے غلط اندازے تھے، پاکستان کو واضح برتری ملی: پاک چائنا انسٹی ٹیوٹ
پاکستان چائنا انسٹی ٹیوٹ نے “16 گھنٹے میں جنوبی ایشیاء کی تاریخی تبدیلی” کے عنوان سے رپورٹ جاری کر دی۔
رپورٹ میں کہا گیا ہے کہ بھارتی وزیرِ اعظم نریندر مودی کے غلط اندازے تھے، پاکستان کو واضح برتری ملی، پاک بھارت جنگ خارج از امکان ہے کیونکہ دفاعی طاقت کا توازن بحال ہو چکا ہے، 10 مئی کی فتح پاکستان کا شاندار ترین لمحہ ہے۔
رپورٹ میں تجویز کیا گیا کہ چین، ترکیہ، آذربائیجان، ایران اور سعودی عرب جیسے اتحادیوں سے تعلقات کو مضبوط کیا جائے۔
فتنہ الہندوستان اور خوارج کا گٹھ جوڑ، بھارت کا پوری دنیا میں منہ کالا کردیا، وہ بلوچستان کی ترقی کا دشمن، پاکستان
رپورٹ میں کہا گیا کہ دریائے سندھ کے پانی کے معاہدے پر قانونی حکمتِ عملی کا استعمال کیا جائے اور بھارت کے آر ایس ایس ہندوتوا نظام کو مغرب کی بین الاقوامی عدالتوں میں لے جایا جائے۔
سینیٹر مشاہد حسین کا کہنا تھا کہ پاک بھارت جنگ میں پاک فضائیہ کے پائلٹوں کی مہارت اور تربیت برتری کی وجہ بنی۔
انہوں نے کہا کہ پاکستان نے اپنی دفاعی طاقت کا توازن بحال کیا، چین اب مسئلہ کشمیر کا عملی طور پر فریق بن چکا ہے۔
======================
یاسمین راشد کی ضمانت کی درخواستوں پر پراسیکیوشن کو ریکارڈ پیش کرنے کیلئے مہلت مل گئی
لاہور کی انسداد دہشت گردی کی عدالت نے پی ٹی آئی کی رہنما یاسمین راشد کی 9 مئی کے 2 مقدمات میں ضمانت کی درخواستوں پر پراسیکیوشن کو ریکارڈ پیش کرنے کےلیے وقت دے دیا۔
انسداد دہشت گردی کی عدالت کے جج منظر علی گل نے یاسمین راشد کی ضمانت کی درخواستوں پر سماعت کی۔
دورانِ سماعت پراسیکیوشن نے دونوں مقدمات کا ریکارڈ پیش کرنے کےلیے مہلت مانگی، عدالت نے سرکاری وکیل کو مقدمات کا ریکارڈ پیش کرنے کےلیے وقت دے دیا۔
پراسیکیوشن نے کہا کہ آئندہ سماعت پر مقدمات کا ریکارڈ پیش کر دیا جائے گا۔
عدالت نے سوال کیا کہ ضمانت کی درخواستوں پر کارروائی کب تک مؤخر کی جائے؟ آئندہ سماعت پر یاسمین راشد کے وکیل ضمانت کی درخواستوں پر دلائل مکمل کریں
