میری پہچان پاکستان
پریس ریلیز
خواتین ہر میدان میں مردوں کے شانہ بشانہ کھڑی ہیں۔ ملک کی ترقی میں خواتین کا بہت اہم کردار ہے۔ سابق گورنر سندھ ڈاکٹر عشرت العباد خان
کراچی (ایم پی پی میڈیا سیل / اسٹاف رپورٹر) میری پہچان پاکستان کے سربراہ اور سابق گورنر سندھ ڈاکٹر عشرت العباد خان نے میری پہچان پاکستان کے شعبہ خواتین کی جانب سے بلاے گئے اجلاس سے ویڈیو لنک کے زریعے خطاب کیا اور خواتین سے تنظیمی معاملات سمیت دیگر امور پر بات چیت کی اور شعبہ خواتین کی کاوشوں کو سراہتے ہوئے تنظیمی سرگرمیاں مزید تیز کرنے کی ھدایت کی۔
ڈاکٹر عشرت العباد خان نے کہا کہ انھوں نے ہمیشہ خواتین کی حوصلہ افزائی کی ہے اور ان کی خواہش رہی ہے کہ خواتین ہر میدان میں مردوں کے شانہ بشانہ کھڑی ہوں۔ ملک کی ترقی میں خواتین کا بہت اہم کردار ہے اپنے خطاب میں کہا کہ انہوں نے اپنے دور میں تعلیم میں کافی اصلاحات کی جس سے نا صرف کراچی بلکہ اندرون سندھ میں طالبات کی شرح فیصد طلباء کے تقریبا برابر ہوگئی۔ اس دور میں شرح خواندگی میں ریکارڈ ترقی ہوئی۔ صحت ٹرانسپورٹ اور روزگار پر توجہ دی اور خواتین کو ملازمت کے یکساں مواقع فراہم کئے۔ کراچی جیسے بڑے شہر کے مسائل کے حل کے لئے ہنگامی بنیادوں پر کام کی ضرورت ہے۔ انفرااسٹکچر پر توجہ دی جاۓ۔ کراچی کے مسائل اتنے ہیں کہ دنوں میں ٹھیک نہیں ہو سکتے۔
اجلاس میں میری پہچان پاکستان کی مرکزی کمیٹی کے اراکین، انچارج نہال صدیقی، عامر بانواز، میڈیا سیل کے نعیم اصطفے نمک والا سمیت شعبہ خواتین کی انجنیئر فوزیہ اکبر شاہ، ڈاکٹر حور انیلہ شاکر، رخسانہ تنویر، حنا خان، فروا، فلک یوسف، رانیہ آصف، حیا امیر فاروقی، عائشہ، روبینہ راشد، گل سفیدہ، زینب، کشور، فرح، انابیہ، امتی ویلفیئر کے شعور چشتی اور سٹی پریس کلب کے صدر عبدالغفار نے شرکت کی۔
جاری كرده:
مرکزی میڈیا سیل
میری پہچان پاکستان
