پاک بھارت ڈی جی ایم اوز کا تیسرا رابطہ مثبت رہا
پاکستان اور بھارت کے ڈائریکٹر جنرلز آف ملٹری آپریشنز (ڈی جی ایم اوز) کے درمیان جنگ بندی کے بعد تیسرا رابطہ ہوا ہے۔
ذرائع کا کہنا ہے کہ دونوں ممالک کے درمیان بدھ کو ہونے والا رابطہ جنگ بندی کے بعد تیسرا رابطہ ہے۔
پاک بھارت ڈی جی ایم اوز کی بات چیت میں جنگ بندی جاری رکھنے پر اتفاق، بھارتی میڈیا
ان کا کہنا ہے کہ پاکستان اور بھارت کے ڈی جی ایم اوز کے درمیان بدھ کی دوپہر ہاٹ لائن کے ذریعے رابطہ ہوا، جس میں دونوں افسران نے زمینی صورتِ حال پر تبادلہ خیال کیا۔
ذرائع کے مطابق پاکستان اور بھارت کے ڈی جی ایم اوز کے درمیان تیسرا رابطہ مثبت رہا، فریقین نے جنگ بندی کو برقرار رکھنے کے عزم کا اعادہ کیا۔
https://www.youtube.com/watch?v=llnOJcgjfeM
پاکستان اسٹاک ایکسچینج: 100 انڈیکس تاریخ کی بلند ترین سطح پر بند
پاکستان اسٹاک ایکسچینج کے آج کے کاروباری دن کی اپ ڈیٹ سامنے آ گئی۔
آج بازارِ حصص کا 100 انڈیکس تاریخ کی بلند ترین سطح پر بند ہوا ہے۔
100 انڈیکس کاروبار کے اختتام پر 1 ہزار 425 پوائنٹس کے اضافے سے 1 لاکھ 19 ہزار 961 رہا۔
پاکستان اسٹاک ایکسچینج میں تیزی،1200 سے زائد پوائنٹس کا اضافہ
کاروباری دن میں 100 انڈیکس 1 ہزار 119 پوائنٹس کے بینڈ میں رہا، بازار میں 69 کروڑ شیئرز کے سودے 39 ارب روپے میں طے ہوئے۔
مارکیٹ کیپٹلائزیشن 174 ارب روپے کے اضافے سے 14 ہزار 385 ارب روپے ہے۔
