امریکہ کا بھارت کو پہلا دھچکہ
امریکی صدر ڈونلڈ ٹرمپ نے آئی فون بنانے والی (ایپل) کمپنی کو انڈیا میں فیکٹریاں لگانے سے روک دیا
===============
پاکستان سے شکست کا غصہ،
بھارتی سیاحوں نے ترکی اور آزربائیجان کو نشانے پر رکھ لیا
گزشتہ ایک ہفتے میں ترکی اور آذربائیجان کے لیے بکنگ میں 60 فیصد کمی آئی
جبکہ منسوخیوں میں 250 فیصد اضافہ دیکھا گیا ہے۔بھارتی مسافر اب جورجیا، سربیا، یونان، تھائی لینڈ اور ویتنام جیسے ممالک کا رخ کر رہے ہیں
=================
چین کا بھارت کیخلاف اقدام، اروناچل پردیش کے مختلف علاقوں کے چائنیز نام رکھ دیے
چین نے بھارتی ریاست اروناچل پردیش کے مختلف مقامات کے نام تبدیل کرکے ان کے چائنیز نام رکھ دیے۔
زنگنان (اروناچل پردیش) تاریخی، جغرافیائی اور انتظامی اعتبار سے چین کا حصہ ہے جب کہ ناموں کی تبدیلی چین کے خودمختار انتظامی دائرہ اختیار کے تحت کی گئی ہے۔وزارت خارجہ
ان مقامات کو چینی نام دینا چین کا داخلی معاملہ ہے، ایسا کرنے کا مقصد خطے میں تاریخی اور ثقافتی شناخت کو اجاگر کرنا ہے.وزارت خارجہ
اس سے قبل بھی گزشتہ سال اپریل میں چین نے اروناچل پردیش کے 30 مقامات کے چائنیز نام رکھے تھے۔
====================
امریکا نے ایران کے بیلسٹک میزائل پروگرام پر نئی پابندیاں عائد کر دیں۔
غیر ملکی خبر رساں ایجنسی کے مطابق امریکا نے بدھ کو ایران کے بیلسٹک میزائل پروگرام کی حمایت کرنے والے 6 افراد اور 12 کمپنیوں پر نئی پابندیاں عائد کر دیں، جن میں کئی چینی شہری بھی شامل ہیں۔
ٹرمپ انتظامیہ نے حالیہ ہفتوں میں ایران کی تیل کی صنعت اور جوہری پروگرام سے منسلک افراد اور اداروں پر متعدد پابندیاں عائد کی ہیں۔
امریکی محکمہ خزانہ کے مطابق بدھ کو لگائی گئی نئی پابندیاں ان تنظیموں پر ہیں جو ایرانی حکومت کو ایسے اہم مواد کی مقامی سطح پر تیاری میں مدد فراہم کر رہی ہیں جو تہران کے بیلسٹک میزائل پروگرام کے لیے ضروری ہیں۔
امریکی وزیر خزانہ اسکاٹ بیسنٹ نے ایک بیان میں کہاکہ امریکا ایران کو بین البراعظمیٰ بیلسٹک میزائل تیار کرنے کی اجازت نہیں دے سکتا۔
