پریس ریلیز
چیئرمین ناظم آباد ٹاؤن سید محمد مظفر کا ناظم آباد ٹاؤن میں ملازمین کے بقایاجات کی ادائیگی کے حوالے سے اہم اجلاس کا انعقاد
تمام ملازمین کو ان کے بقایاجات جلد از جلد ادا کیے جائیں گے تاکہ ان کے مالی مسائل میں کمی لائی جا سکے:سید محمد مظفر
تمام مالی معاملات شفاف انداز میں انجام دیے جائیں گے اور ملازمین کے حقوق پر کسی قسم کا سمجھوتہ نہیں کیا جائے گا: محمد نعمان صدیقی
مورخہ 13 مئی 2025
کراچی ( )ناظم آباد ٹاؤن میں ملازمین کے عرصہ دراز سے رکے ہوئے بقایاجات کی ادائیگی کے سلسلے میں ایک اہم اجلاس کا انعقاد کیا گیا۔ اجلاس کی صدارت چیئرمین ناظم آباد ٹاؤن سید محمد مظفر، وائس چیئرمین محمد نعمان صدیقی اور ٹاؤن میونسپل کمشنر اطہر سعید خان نے مشترکہ طور پر کی۔اجلاس میں فیصلہ کیا گیا کہ ناظم آباد ٹاؤن کے تمام ملازمین کو ان کے بقایاجات جلد از جلد ادا کیے جائیں گے تاکہ ان کے مالی مسائل میں کمی لائی جا سکے۔ ٹاؤن انتظامیہ نے اس بات پر زور دیا کہ ملازمین کی فلاح و بہبود کو ہر حال میں مقدم رکھا جائے گا اور ان کے حقوق کی ادائیگی ترجیحی بنیادوں پر کی جائے گی۔اس موقع پر ڈائریکٹر ایڈورٹائزمنٹ آصف بیگ، ڈائریکٹر سینی ٹیشن ظہیر احمد، ڈائریکٹر پارکس آصف حسین،ڈائریکٹر سپورٹس اینڈ کلچر راشد ہاشمی، ڈائریکٹر انفارمیشن فہیم مصطفی، ڈپٹی ڈائریکٹر کونسل عبید عالم، ڈپٹی ڈائریکٹر ایڈمن حماد، ڈپٹی ڈائریکٹر ٹیکسز احسن مسعود، ایکس ای این بی اینڈ ار سراج الدین اور بی اینڈ ار کے عثمان غنی و دیگر بلدیاتی افسران بھی موجودتھے ۔ ایریئر کی تفصیلات، ادائیگی کے مراحل اور درپیش مسائل پر تفصیلی گفتگو کی گئی۔ چیئرمین ناظم آباد ٹاؤن نے اس موقع پر کہا کہ ملازمین ہماری ریڑھ کی ہڈی کی حیثیت رکھتے ہیں اور ان کے مسائل کا حل ہماری اولین ترجیح ہے۔ وائس چیئرمین محمد نعمان صدیقی نے یقین دہانی کرائی کہ تمام مالی معاملات شفاف انداز میں انجام دیے جائیں گے اور ملازمین کے حقوق پر کسی قسم کا سمجھوتہ نہیں کیا جائے گا۔
جاری کردہ:۔
فہیم مصطفی
ڈائریکٹر انفارمیشن
ناظم آباد ٹاؤن
