کراچی: لیاقت آباد میں ڈاکو شہری سے مویشیوں سے بھرا ٹرک چھین کر فرار
عید الاضحیٰ قریب آتے ہی قربانی کے جانور چھیننے کی وارداتیں بھی ہونے لگیں۔
کراچی کے علاقے لیاقت آباد سے ملزمان ٹرک چھین کر فرار ہو گئے، ٹرک میں شہری 6 لاکھ روپے مالیت کے 3 جانور لے کر جا رہا تھا۔
پولیس حکام کے مطابق اورنگی ٹاؤن کے رہائشی نعیم قریشی نامی شہری نے بھینس کالونی سے 3 جانور خریدے اور ٹرک میں بھیج دیے۔
کراچی میں قربانی کے جانوروں کی لوٹ مار جاری
لیاقت آباد فرنیچر مارکیٹ کے قریب مسلح ملزمان نے ٹرک روکا اور ڈرائیور کو اپنے ہمراہ بٹھا کر ٹرک بھی لے گئے۔
پولیس حکام کا کہنا ہے کہ کچھ ہی دیر بعد ٹرک نیپا فلائی اوور کے قریب سے مل گیا جبکہ جانور غائب تھے۔
واقعے کا مقدمہ نعیم قریشی کی مدعیت میں درج کر کے تحقیقات کا آغاز کر دیا گیا ہے۔
========================
پریس ریلیز 14 مئی 2025
عید قرباں میں باقی 23 دن رہ گئے نادرن بائی پاس مویشی دوست منڈی میں جانوروں کی تعداد 50 ہزار سے زائد ہوگئی
مارشیلنگ ایریا میں قربانی کے جانوروں سے لدی گاڑیوں کی لمبی قطاریں لگ گئیں ،مال مویشیوں کی تعددا کو دیکھتے ہوئے مویشی دوست منڈی کا رقبہ بڑھاکر 12 سو ایکٹر کردیا گیا
ایڈمنسٹریٹر شہاب کی جانب سے بیوپاریوں کے لیے قرعہ اندازی،موٹرسائیکل کا قرعہ لاڑکانہ کے بیوپاری امداد علی کے نام نکل آیا،جانوروں کی آمد کا سلسلہ جاری ہے، ایڈمنسٹریٹر فیصل علی
کراچی( ) عید قرباں میں باقی 23 دن رہ گئے،ناردرن بائی پاس مویشی دوست منڈی اپنے جوبن پر آگئی، مویشی دوست منڈی میں اب تک قربانی کے 50 ہزار سے زائد جانور لائے جاچکے ہیں جبکہ 17 اپریل سے 13 مئی تک گائے،بیل، بچھڑے،اونٹ اور بکروں سمیت ہزاروں جانوروں کی لرید و فروخت کا سلسلہ بھی جاری ہے،مویشی منڈی کے مارشلنگ ایریا میں ملک بھر سے آنیوالے قربانی کے جانوروں سے لدی گاڑیوں کی قطاریں لگ چکی ہیں،وی وی آئی پی،وی آئی پی، سفائر، کے پی کے، سندھ ، پنجاب اورکے پی بلاکس قربانی کے جانوروں سے بھرچکے ہیں،مال مویشیوں کی بڑھتی ہوئی تعداد کو دیکھتے ہوئے مویشی دوست منڈی انتظامیہ نے مویشی منڈی کا رقبہ بڑھا کر 12سو ایکڑ کردیا ہے،ایڈمنسٹریٹر فیصل علی کا کہنا ہے کہ رات گئے یہاں میلے کا سماء رہتاہے،بیوپاریوں کے لیے 24 گھنٹے فوڈ اسٹریٹ، موبائل بینک کی بھی سہولت موجود ہے،رات گئے ایڈمنسٹریٹر شہاب علی جانب سے بیوپاریوں کی حوصلہ افزائی کے لئے موٹرسائیکلوں کی قراندازی بھی کی گئی،قرعہ لاڑکانہ کے بیوپاری امداد علی نامی کے نام نکل آنے پر انہیں انتظامیہ کی جانب سے موٹر سائیکل فراہم کی گئی، مویشی دوست منڈی میں قربانی کے جانوروں کی آمدورفت کا سلسلہ بھی بدستور جاری ہے
