کراچی(کورٹ رپورٹر) سانحہ 12 مئی کو 18 سال مکمل، سندھ ہائیکورٹ بار اور کراچی بار ایسوسی ایشن کی اپیل پر وکلاء نے آج یوم سیاہ منایا۔ وکلا رہنماؤں کا کہنا تھا کہ
ڈکٹیٹر نے 12 مئی 2007 کو دہشتگردوں کی مدد سے معصوم شہریوں، سیاسی جماعتوں اور وکلاء سمیت 50 افراد کو قتل کیا۔ آزاد عدلیہ کی جدوجہد کی تاریخ میں 12 مئی ایک سیاہ باب ہے۔ سندھ ہائیکورٹ 12 مئی کے شہداء کو خراج تحسین پیش کرتی ہے۔ سندھ ہائیکورٹ بار آزاد عدلیہ کے لیے پُرعزم ہے۔ 12 مئی کے ذمہ داروں کو قانون کے کٹہرے میں لایا جائے۔
