🇵🇰 🇬🇷 ایتھنز میں “جشنِ پاکستان” — وطن سے محبت کا والہانہ اظہار
رپورٹ: انصر اقبال بسراء
*ایتھنز، یونان:
* پاکستان کی حالیہ عسکری کامیابی کے جشن کے طور پر، یونان کے دارالحکومت ایتھنز میں محبانِ وطن پاکستانیوں نے ایک شاندار “جشنِ پاکستان” کا انعقاد کیا۔ اس جشن میں مختلف شہروں سے آئے پاکستانیوں نے بھرپور شرکت کی، جہاں سیاسی و مسلکی اختلافات کو بالائے طاق رکھتے ہوئے قومی یکجہتی کا مظاہرہ کیا گیا۔
شرکاء نے “اللہ اکبر” اور “پاکستان زندہ باد” کے فلک شگاف نعروں سے ایتھنز کی فضاؤں کو معطر کر دیا۔ نوجوانوں نے ملی نغموں پر جوش و خروش سے دھمال ڈال کر مجشن کو مزید پرجوش بنا دیا۔
جشن میں مقررین نے افواجِ پاکستان کی قربانیوں اور حالیہ کامیابیوں کو خراجِ تحسین پیش کرتے ہوئے کہا کہ بیرونِ ملک مقیم پاکستانی اپنے وطن کے دفاع اور ترقی کے لیے ہمیشہ یکجہتی کا مظاہرہ کرتے رہیں گے۔
اس موقع پر پاکستانی کمیونٹی نے وطنِ عزیز کی سلامتی، ترقی اور خوشحالی کے لیے خصوصی دعائیں بھی کیں۔
