علیگڑھ انسٹیٹیوٹ آف ٹیکنالوجی کی موجودہ انتظامیہ نے حالیہ جنگ بندی اور پاکستان کی شاندار فتح پر اظہارِ تشکر کرتے ہوئے پاک فوج کو زبردست خراجِ تحسین پیش کیا ہے۔ ادارے کی جانب سے جاری کردہ اعلامیے میں کہا گیا کہ دشمن کو مؤثر اور دندان شکن جواب دے کر پاک فوج نے پوری قوم کا سر فخر سے بلند کر دیا ہے۔
علیگڑھ انسٹیٹیوٹ کے کنوینر سید محمد محسن کاظم نے کہا کہ افواجِ پاکستان نے جس بہادری اور پیشہ ورانہ مہارت کا مظاہرہ کیا، وہ وطن کے دفاع کی ضمانت ہے۔ جنگ بندی کے بعد جو امن قائم ہوا ہے، وہ صرف اور صرف فوج کے غیر متزلزل عزم اور قربانیوں کا نتیجہ ہے۔
اس موقع پر پرنسپل AIT شاہد جمیل نے کہا کہ نوجوان نسل کو پاک فوج کی قربانیوں کو یاد رکھنا چاہیے اور ملک کے دفاع میں ہر ممکن کردار ادا کرنا چاہیے۔
علیگڑھ انسٹیٹیوٹ کے اساتذہ ،طلبا اور عملے نے اس موقع پر عزم ظاہر کیا کہ وہ پاک فوج کے شانہ بشانہ کھڑے ہیں اور ملک کی سلامتی اور خودمختاری کے لیے ہر ممکن تعاون فراہم کریں گے۔انھوں نے شہداء کو خراج عقیدت پیش کیا۔
میڈیا کوآرڈینیٹر AIT
