پریس ریلیز
کراچی ( ) پاکستان مرکزی مسلم لیگ کراچی نے پاک فوج کی جانب سے دشمن بھارت کو دیے گئے منہ توڑ جواب اور عظیم فتح پر بنیان مرصوص مارچ کا اعلان کردیا ۔ بنیان مرصوص مارچ 11 مئی اتوار کے روز نرسری اسٹاپ تا فوارہ چوک ( پریس کلب چورنگی ) تک نکالا جائے گا ۔ جس میں عوام کی بڑی تعداد سبز ہلالی پرچموں کے ساتھ شرکت کریں گے ۔
بھارت کے خلاف عظیم فتح کی خوشی میں شہر بھر میں علاقائی ریلیوں کا اہتمام بھی کیا گیا جس میں کارکنان نے جوش و خروش سے شرکت کی، دفاتر میں مٹھائیاں تقسیم کی گئیں اور پاک افواج سے اظہارِ یکجہتی کیا گیا۔
مرکزی مسلم لیگ سندھ کے صدر فیصل ندیم نے کہا کہ بھارت نے ہمیشہ بزدلی، اشتعال انگیزی اور ظلم کا مظاہرہ کیا۔ ہماری مساجد کو نشانہ بنایا، معصوم بچوں کو شہید کیا، لیکن ہماری بہادر افواج نے دشمن کو ایسی کاری ضرب لگائی کہ وہ چند گھنٹے بھی محاذ پر نہ ٹھہر سکا ۔ آج پوری قوم اپنی افواج کے ساتھ سیسہ پلائی دیوار کی مانند کھڑی ہے۔ ہماری سیاسی و دینی قیادت پاک فوج کے شانہ بشانہ ہے، اور دشمن کو یہ پیغام دے رہی ہے کہ پاکستان ایک ناقابلِ تسخیر قوت ہے۔بھارت سے عظیم فتح کی خوشی اور اپنی افواج سے اظہار یکجہتی کےلیے بنیان مرصوص مارچ نکالیں گے ۔ فیصل ندیم نے شہریوں سے اپیل کی کہ مارچ میں بھرپور شرکت شرکت کرکے اپنے وطن سے محبت کا اظہار کریں اور دشمن کو واضح پیغام دیں کہ ہم اپنی افواج کے شانہ بشانہ کھڑے رہیں گے
جاری کردہ:شعبہ نشر و اشاعت، پاکستان مرکزی مسلم لیگ کراچی
