8 مئی 2025
راولپنڈی
جڑواں شہر کے فنکار افواج پاکستان کے ساتھ اظہار یک جہتی کا اعلان کرتے ہیں۔دشمن کو منہ توڑ جواب دے کر پاک افواج نے ثابت کردیا کہ کسی بھی صورت میں پاکستان کی سالمیت پر سمجھوتا قابل قبول نہیں۔فنکار آہنی دیوار کی مانند پاک فوج کے ساتھ شانہ بشانہ کھڑے ہیں۔
معروف مصنفہ و ہدایت کارہ محترمہ عاصمہ بٹ نے بھارتی جارحیت کی پرزور الفاظ میں مذمت کی اور کہا کہ تمام فنکار اپنی افواج کے ساتھ کھڑے ہیں ۔ماضی میں جس طرح میڈم نور جہاں نے قومی ترانے گا کر فوج کے جوانوں کے حوصلے بلند کیے،اسی طرح آج بھی پاکستان کے فنکار بہادر فوج کے حوصلے بلند کرنے کے لیے میدان میں نکلنے کو تیار ہیں۔انھوں نے کہا کہ پروڈیوسر ایسوسی ایشن کے چیئرمین شہزاد رفیق کے جذبات اور ان کے احساسات کی قدر کرتی ہوں ۔عاصمہ بٹ کا کہنا تھا کہ پاکستانی ثقافت کے علمدار معروف ہدایت کار سید نور سمیت تمام فنکار اپنی سرحدوں کے محافظوں کے ساتھ اظہار یک جہتی کرتے ہیں۔ان کے شانہ بشانہ کھڑے ہیں۔پاکستان کی عوام اور تمام فنکار کمیونٹی پاکستان لئے مر مٹنے کو تیار ہیں۔ہمارے حوصلے کوئی پست نہیں کرسکتا ۔ بھارتی وزیراعظم نریندر مودی ہر گز کسی غلط فہمی میں نہ رہے ۔ہماری فوج سے ٹکر لے کر بہت بڑی غلطی کی ہے۔وہ نہیں جانتے کہ پاکستان ہمارا جنون ہے۔ان کا پالا غیرت مند ،غیور اور بہادر قوم سے پڑا ہے،جو بھارتی حکومت کو بہت مہنگا پڑے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیپشن:
معروف مصنفہ و ہدایت کارہ محترمہ عاصمہ بٹ پاک فوج کے ساتھ اظہار یک جہتی کرتے ہوئے۔
