جامعہ کراچی کے مختلف شعبہ جات کے مناظر
دنیا کی تاریخ میں کبھی اس طرح تعلیمی تعطل پیدا نہیں ہوا ہوگا۔ ہم نے یہاں بھی ورلڈ ریکارڈ بنا لیا اور یہ سہرا بھی سائیں سرکار کے سر
==================
چی( )کراچی واٹر اینڈ سیوریج کارپوریشن کے ترجمان کے مطابق جامعہ کراچی کے قریب واقع واٹر کارپوریشن کی 84 انچ قطر کی لائن سائفن نمبر 19 لیک ہوگئی سی ای او واٹر کارپوریشن احمد علی صدیقی نے فوری نوٹس لیتے ہوئے متعلقہ حکام کو متاثرہ لائن کی فوری مرمت کرنے کے احکامات جاری کر دیے ترجمان کے مطابق عملے کی بحفاظت اور مؤثر انداز میں مرمتی کام کرنے کے لیے پانی کے پریشر کم کردیا گیا ہے اور مرمتی سرگرمیوں کا باقاعدہ آغاز کردیا گیا ہے انہوں نے بتایا کہ مرمت کا کام چوبیس گھنٹے بلا تعطل جاری رہے گا اور اسے 96 گھنٹوں کے اندر مکمل کرلیا جائے گا ترجمان نے بتایا کہ مرمتی کام کے دوران شہر کے مختلف علاقوں میں پانی کی فراہمی جزوی طور پر معطل رہے گی متاثرہ علاقوں میں چنیسر ٹاؤن جناح ٹاؤن لیاقت آباد ناظم آباد پاک کالونی گولیمار شیر شاہ اولڈ سٹی ایریا لانڈھی کورنگی اور پی اے ایف بیس مسرور شامل ہیں واضح رہے کہ شہر کو یومیہ ٹوٹل 650 ایم جی ڈی پانی فراہم کیا جاتا ہے مرمتی کام کے باعث شہر کو یومیہ 250 ایم جی ڈی پانی کی کمی کا سامنا ہوگا جبکہ شہر کو 400 ایم جی ڈی پانی کی فراہمی معمول کے مطابق جاری رہے گی ترجمان نے شہریوں سے درخواست کرتے ہوئے کہا ہے کہ وہ پانی کا ذخیرہ کریں اور اسے احتیاط سے استعمال کریں تاکہ کسی بھی پریشانی سے بچا جا سکے۔
================
کراچی میں ٹریفک حادثات تھم نہ سکے ، تین مختلف واقعات میں 4 افراد جاں بحق، 3 زخمی
تمام واقعات میں مقدمات درج کر کے ڈرائیوروں کی تلاش شروع کر دی گئی ہے ،پولیس
کراچی میں ہیوی ٹریفک کے باعث پیش آنے والے جان لیوا حادثات کا سلسلہ رک نہ سکا۔ گزشتہ رات شہر کے تین مختلف علاقوں میں ہونے والے ٹریفک حادثات میں کم از کم چار افراد جاں بحق اور تین زخمی ہو گئے۔
بھینس کالونی میں پیش آنے والے افسوسناک واقعے میں ایک تیز رفتار ٹرک نے موٹرسائیکل کو ٹکر مار دی، جس کے نتیجے میں دو نوجوان منیب اور شایان موقع پر جاں بحق ہو گئے جبکہ ایک شخص زخمی ہو گیا۔ پولیس کے مطابق حادثے کے بعد ٹرک ڈرائیور موقع سے فرار ہو گیا تاہم ٹرک کو تحویل میں لے لیا گیا ہے۔
کراچی میں ٹریفک حادثات نہ تھم سکا، مختلف واقعات میں 4 زندگیوں کے چراغ گل ہو گئے
دوسرا حادثہ بلدیہ کے علاقے رئیس گوٹھ کے قریب پیش آیا جہاں ایک ٹرک نے موٹرسائیکل سواروں کو کچل دیا۔ واقعے میں ایک شخص جاں بحق جبکہ دوسرا زخمی ہوا۔ اس واقعے میں بھی ٹرک ڈرائیور فرار ہونے میں کامیاب ہو گیا۔
تیسرا واقعہ اورنگی ٹاؤن میں پیش آیا، جہاں تیز رفتار واٹر ٹینکر نے موٹرسائیکل کو ٹکر مار دی۔ حادثے کے نتیجے میں ایک شخص جان کی بازی ہار گیا جبکہ دوسرا شدید زخمی ہو گیا۔ پولیس کے مطابق واٹر ٹینکر ڈرائیور موقع سے فرار ہو گیا تاہم ٹینکر کو قبضے میں لے لیا گیا ہے۔
کراچی میں ٹریفک حادثات: 2 افراد جاں بحق، 2 زخمی ہو گئے
پولیس کا کہنا ہے کہ تمام واقعات میں مقدمات درج کر کے ڈرائیوروں کی تلاش شروع کر دی گئی ہے، جبکہ شہری حلقوں نے ہیوی ٹریفک پر کنٹرول نہ ہونے اور ڈرائیوروں کی لاپروائی پر سخت تشویش کا اظہار کیا ہے۔
======================
اسٹیٹ بینک کا یوم مزدور کے موقع پر تعطیل کا اعلان
عام تعطیل کے باعث کمرشل بینک اور مالیاتی ادارے بند رہیں گے، مرکزی بینک
اسٹیٹ بینک کا یوم مزدور کے موقع پر تعطیل کا اعلان
اسٹیٹ بینک نے یکم مئی کو یوم مزدور کے موقع پر تعطیل کا اعلان کردیا۔
اسٹیٹ بینک آف پاکستان ( ایس بی پی ) نے اعلان کیا ہے کہ یکم مئی 2025ء کو یوم مزدور کے موقع پر ملک بھر میں عام تعطیل کے باعث کمرشل بینک اور مالیاتی ادارے بند رہیں گے۔
ترجمان اسٹیٹ بینک کے مطابق، بینک دولت پاکستان بھی اس روز بند رہے گا جس کے نتیجے میں تمام کمرشل بینک اور مالیاتی اداروں کی سرگرمیاں معطل ہوں گی۔
