کراچی (): صوبائی وزیر توانائی ترقیات و مںصوبہ بندی سندھ سید ناصر حسین شاہ نے کہا ہے کہ لاکھوں افراد کو بےروزگاری ، سماجی اور اقتصادی نقصانات سے محفوظ رکھنے کیلئے سمندر کو آلودگی سے بچانا ناگزیر ہے، اس سلسلے میں سندھ حکومت نے گرانقدر اقدامات کئے ہیں اور کافی حد تک ٹریٹمنٹ کے بغیر سمندر میں آلودہ پانی ڈالنے کے حولے سے سختی سے پابند بھی کیا گیا ہے۔ ان خیالات کا اظہار انھوں نے آج یونیورسٹی آف کراچی میں “بحری حیاتیاتی تنوع” سماجی ماحولیات پہلوؤں اور ٹیکنالوجی پر ” بین الاقوامی کانفرنس” کی افتتاحی تقریب کے موقع پر اپنے خطاب میں کیا۔ اس موقع پر وائس چانسلر پروفیسر ڈاکٹر خالد محمود عراقی، آرگنائیزنگ کمیٹی کی کنوینر پروفیسر ڈاکٹر سولحہ رحمان، سیکریٹری ڈاکٹر فیصل آفریدی کے علاوہ دیگر ملکی و غیر ملکی ماہرین نے بھی خطاب کیا۔ سید ناصر حسین شاہ نے کہا کہ حکومت سندھ سمندری ماحول کے تحفظ اور پائیدار طریقوں کو فروغ دینے کیلئے پرعزم ہے اور مختلف چینلنجز سے نمٹنے کیلئے کئی ٹھوس اقدامات بھی کئے ہیں۔ سندھ کی ساحلی پٹی کے
ساتھ صنعتی اخراج پر سخت ضوابط کو فعال طور پر نافذ کر رہے ہیں۔ کراچی کے قریب صنعتی زون سے خارج ہونے والے فضلے کی سخت نگرانی کو یقینی بنایا ہے۔ وزیر توانائی نے کہا کہ ٹھٹہ اور بدین جیسے ساحلی علاقوں میں مقامی ماہیگروں کے ساتھ ملکر کمیونٹی پر مبی ماہیگیری کے نظام کے پروگرام شروع کئے ہیں۔ ناصر شاہ نے کہا کہ ہماری حکومت ساحلی پٹیوں کی حفاظت میں مینگروز کے جنگلات کی اہمیت کو تسلیم کرتے ہوئے مینگروز کے جنگلات کی بحالی اور تحفظ کیلئے کثیر سرمایہ کاری کررہی ہے۔ محکمہ جنگلات سندھ نے
بیون الاقوامی تنظیموں کے تعاون سے انڈس ڈیلٹا کے ساتھ ساتھ مینگروز کے لاکھوں پودے لگائے ہیں جس سے ساحلی لچک میں اضافہ اور سمندر حیات ک رہائش فراہم کی گئی ہے اور ان کی حفاظت کیلئے میرین پروٹیکٹڈ ایریاز کے قیام پر بھی کام کر رہے ہیں۔ وزیر توانائی ناصر شاہ نے مزید کہا کہ مجھے یقین ہے کہ یہ کانفرنس آبی حیات کی بقاء اور سلامتی کے لحاظ سے کلیدی کردار ادا کرے گی اور سمندری ماحولیاتی نظام کیلئے زیادہ پائیدار مستقبل کیلئے اپنا حصہ ڈالے گی۔ انھوں نے کہا کہ کانفرنس کے اختتام پر ماہرین کی جانب سے جو بھی سفارشات تیار کی جائیں گی ان سفارشات پر سندھ حکومت ہر ممکناً اقدامات کو یقینی بنانے کی کوشش کرے گی۔ ناصر شاہ نے کہا کہ چونکہ میرے پاس پلاننگ اینڈ ڈویلپمنٹ کی وزارت کا قلمندان بھی ہے اس لئے اور کانفرنس کوئی ٹھوس اور قابل عمل “پروجیکٹ” کیلئے سفارش کرے گی اور اسے آئندہ مالی سال کے بجٹ میں شامل کیا جاسکتا ہے۔
محمد شبیہ صدیقی
ڈائریکٹر میڈیا مینجمنٹ
وزیر توانائی اینڈ پی اینڈ ڈی سندھ
