پریس ریلیز
کراچی( )پاکستان مرکزی مسلم لیگ کراچی کے تحت روزگار سہولت پروگرام کے آٹھویں مرحلے کی تقریب کا انعقاد کیاگیا۔ یہ تقریب کراچی کے مقامی ہال میں منعقد ہوئی، جہاں تین سو سے زائد خاندانوں کو ان کا مطلوبہ روزگار فراہم کیا گیا۔ تقریب میں مرکزی مسلم لیگ سندھ کے صدر فیصل ندیم، کراچی کے صدر احمد ندیم اعوان، روزگار سہولت پروگرام کے ڈائریکٹر انجنیئر نعمان علی، جنرل سیکرٹری مدثر اقبال ،نائب صدر مہدی اسحاق، شہباز عبدالجبار، جوائنٹ سیکرٹری فیصل علی بلوچ اور دیگر رہنماؤں نے شرکت وخطاب کیا۔تقریب سے خطاب کرتے ہوئے فیصل ندیم نے کہاملک میں بڑھتی ہوئی بے روزگاری کی وجہ سے مایوسی اور جرائم میں اضافہ ہو رہا ہے۔ یہی وجہ ہے کہ ہم نے انسانیت اور احساس کے جذبے کے تحت روزگار سہولت پروگرام شروع کیا۔ اس پروگرام کا مقصد لوگوں کو روزگار فراہم کرنا اور ان کی معاشی حالت کو بہتر بنانا ہے۔ ہم نے بلا رنگ، نسل اور مذہب ہر ضرورت مند کو اس پروگرام میں شامل کیا ہے۔ان کاکہناتھاکہ آج ہر شخص مسائل بیان کر رہا ہے لیکن کوئی ان مسائل کے حل کی طرف نہیں بڑھ رہا۔
اگر ہم مسائل کے حل کی جانب قدم بڑھائیں گے، تو عوام کی مشکلات کم ہو سکیں گی۔ ہم نے ہمیشہ مشکل وقت میں لوگوں کی مدد کی ہے اور کراچی جیسے اہل خیر کے شہر سے پورے ملک میں فلاحی کاموں میں اپنا کردار ادا کیا ہے۔کراچی کے صدر احمد ندیم اعوان نے کہاپاکستان میں اس وقت 45 لاکھ سے زائد افراد بے روزگار ہیں، اور تعلیم یافتہ نوجوانوں کو بھی روزگار کے حصول میں مشکلات پیش آ رہی ہیں۔ بے روزگاری کی وجہ سے معاشرتی جرائم میں اضافہ ہو رہا ہے۔ ہمارا مقصد یہ ہے کہ لوگوں کو خوددار بنایا جائے تاکہ وہ خود انحصاری کی طرف بڑھیں اور ملک کی ترقی میں اپنا کردار ادا کر سکیں۔اب تک آٹھ مرحلوں میں ہزار سے زائد خاندانوں کو روزگار فراہم کرچکے ہیں ۔ جو باقاعدہ باعزت طریقے سے اپنے گھروالوں کےلیے روزگار کمارہے ہیں ۔روزگار سہولت پروگرام کے ڈائریکٹر انجینئر نعمان علی نے پروگرام کی اہمیت پر روشنی ڈالتے ہوئے کہااس پروگرام کے ذریعے ہم ضرورت مندوں کو روزگار کے مواقع فراہم کر رہے ہیں اور انہیں مالی طور پر مستحکم بنانے میں مدد کر رہے ہیں۔ اس کے علاوہ، ہم ڈیجیٹل اسکلز کی ٹریننگ فراہم کر رہے ہیں اور آسان اقساط پر لیپ ٹاپ بھی فراہم کر رہے ہیں تاکہ افراد خود انحصاری کی طرف گامزن ہوں۔مرکزی مسلم لیگ کراچی نے اس پروگرام کے ذریعے معاشی ترقی، خود انحصاری اور نوجوانوں کو روزگار فراہم کرنے کا عزم کیا ہے۔ اس اقدام سے نہ صرف بے روزگاری کے مسئلے کا حل نکلے گا بلکہ پاکستان میں فلاحی کاموں کا نیا باب بھی کھلے گا۔اس پروگرام کے ذریعے مرکزی مسلم لیگ کراچی عوام کی فلاح و بہبود کے لئے اپنی کوششیں جاری رکھے گی اور معاشی ترقی کے لئے اہم کردار ادا کرے گی۔
