
میرپورخاص
رپورٹ
تحسین احمد خان
صوبائی وزیر سیاحت و ثقافت سید ذوالفقار علی شاہ نے کہا ہے کہ میونسپل کارپوریشن میرپورخاص نے کامیاب پھولوں کی نمائش منعقد کر کے میرپورخاص کی عوام کو فن و تفریح کاموقع فراہم کیا ہے – یہ بات انہوں نے 67 ویں سالانہ پھولوں اور سبزیوں کی نمائش کے اختتام پر تقریب تقسیم انعامات سے خطاب کرتے ہوئے کہی – انہوں نے کہا کہ میرپورخاص سندھڑی آموں کی وجہ سے پوری دنیا میں مشہور ہے یہاں کے لوگ محبت امن اور بھائی چارے کے ساتھ رہتے ہیں صوبائی وزیر نے کہا کہ پاکستان پیپلز پارٹی نے بلا تفریق لوگوں کی خدمت کرنے کو ترجیح دی ہے اور کہا کہ میرپورخاص میں جلد سالڈ ویسٹ مینجمنٹ کا آغاز کر دیا جائے گااور مستقبل میں ورلڈ بینک کی جانب سے بھی میر پور خاص شہر کی ترقی کے لیے پروجیکٹ کا اغاز کیا جائے گا انہوں نے میئر عبدالرؤف غوری کو مشورہ دیتے ہوئے کہا کہ شہر کی ترقی کے لیے تاجر برادری صحافیوں اور یو سی چیئرمینس پر مشتمل ایک کمیٹی تشکیل دی جائے قبل اذیں میئر عبدالرؤف نے خطاب کرتے ہوئے کہا کہ میرپورخاص میونسپل کمیٹی کو کارپوریشن کا درجہ ملنے کے بعد پہلی بار پھولوں کی نمائش کا انعقاد کیا گیا جو کامیاب رہی انہوں نے کہا کہ ہماری کوشش ہوگی کہ زیادہ سے زیادہ لوگوں کو تفریح مواقع فراہم کیے جائیں کیونکہ پاکستان پیپلز پارٹی نے ہمیشہ عوام کی فلاح بہبود کا خیال رکھا ہے اور عوامی خدمت پی پی کا نصب العین ہے اس موقع پر اعزازی سیکرٹری فلاور شو محمد نواز خان نے بتایا کہ پھولوں کی نمائش موسم بہار کو مدنظر رکھتے ہوئے منعقد کی گئی جس میں پھولوں کے ساتھ ساتھ بچوں اور بڑوں کے فن و تفریح جھولے اور کھانے پینے کے اسٹال بھی لگائے گئے اس کے علاوہ مشاعرہ اور آرٹ گیلری کا بھی انعقاد کیا گیا اس موقع پر پھولوں کی نمائش کے مقابلوں میں پہلی پوزیشن سندھ ہارٹیکلچر ریسرچ انسٹیٹیوٹ میرپورخاص دوسری پوزیشن بھٹائی ڈینٹل کالج میرپورخاص اور تیسری پوزیشن پبلک اسکول میرپورخاص نے حاصل کی پہلی پوزیشن حاصل کرنے والے کو 40 ہزار نقد ٹرافی اور سرٹیفیکیٹ دوسری کو 30 ہزار نقد ٹرافی اور سرٹیفیکیٹ اور تیسری پوزیشن کو 20 ہزار نقد ٹرافی اور سرٹیفیکیٹ دیے گئے آرٹ کے مقابلوں میں پہلی پوزیشن سیدہ محراب کو 5 ہزار نقد اور سرٹیفکیٹ دوسری پوزیشن مہ پارہ کو 4 ہزار نقد جبکہ تیسری پوزیشن بلویرگومانی کو 3 ہزار نقد اور شیلڈ دی گئی اسی طرح بیت بازی کے مقابلوں میں پہلی پوزیشن یونیورسٹی آف میرپور خاص کی طالبات ،دوسری پوزیشن شاہ عبدالطیف بوائزکالج میرپورخاص اور تیسری پوزیشن دارالقاسمیہ ہائی اسکول کے طلبہ نے حاصل کی پھولوں کے ناموں کے مقابلوں میں پہلی پوزیشن رومیسہ خان کو 5 ہزار نقد اور شیلڈ دوسری پوزیشن حاصل کرنے والے ہتیش کمار4 ہزار نقد شیلڈ اور تیسری پوزیشن فرزند احمد کو 3 ہزار نقد انعام اور شیلڈ اسی طرح پھولوں کو پہچاننے کے مقابلوں میں پہلی پوزیشن احمد ارسلان 5 ہزار نقد اور شیلڈ دوسری پوزیشن محمد حمزہ 4 ہزار نقد اور شیلڈ تیسری پوزیشن نمرا نور کو 3 ہزار نقد اور شیلڈ دی گئی- اختتامی تقریب میں ایم پی اے ہری رام کشوری لال ، فلاور شو منیجمنٹ کمیٹی کے ممبران اظہر جیلانی، کریم میمن گہرام بلوچ، فیصل زئی نوید سروش پیپلز پارٹی کے عہدے داران یو سی چیئرمین اساتذہ طلبہ و طالبات اور شہریوں نے بڑی تعداد میں شرکت کی اختتامی تقریب میں مختلف اسکولوں کے بچوں کو ٹیبلوز پیش کرنے پر طلبہ و طالبات کو بھی پانچ پانچ ہزارنقد اور شیلڈ دی گئی۔بعد اذان محفل موسیقی کا پروگرام بھی منعقد ہوا جس میں علی گل ملاح، احمد مغل، امانت علی، رجب فقیر، مارول گروپ اور دیگر گلوکاروں نے گیت گا کر حاضرین کو جھومنے پر مجبور کر دیا اس سے قبل شاندار آتشبازی کا مظاہرہ کیا گیا ۔























