سرگودھا میں بیرون ملک نوکری دلوانے کا جھانسہ دے کر لڑکی سےمبینہ زیادتی کا واقعہ پیش آیا ہے۔
پولیس کے مطابق لڑکی کو تشویشناک حالت میں لاہور منتقل کردیا گیا اور اسے شدید تشدد کا نشانہ بنایا گیا ہے۔
پولیس ذرائع کا کہنا ہےکہ لڑکی سے فوری طور پر زیادتی کی تصدیق نہیں ہوسکی ہے اور میڈیکل رپورٹ کے بعد ہی حتمی طور پر زیادتی سے متعلق بات کی جاسکتی ہے۔
پولیس ذرائع کے مطابق لڑکی کو مبینہ زیادتی کا نشانہ بنانے والے ملزمان کی تلاش جاری ہے اور انہیں جلد گرفتار کرلیا جائے گا۔
===================
کراچی: گھر میں جھگڑے کے دوران 4 بہنوں نے صفائی کے لیے استعمال ہونے والا بلیچ پی لیا۔
پولیس کے مطابق اورنگی ٹاؤن سیکٹر 14 کے گھر میں زہریلی چیز پینے سے 4 خواتین کی حالت غیر ہوگئی جنہیں فوری طبی امداد کے لیے اسپتال منتقل کردیا گیا۔
حکام نے بتایا کہ اسپتال منتقل کی جانے والی 4 خواتین میں 24 سال کی رباب ، 20 سال کی صبا اور 18 سال کی رفعت کی حالت زیادہ تشویشناک ہے۔
ابتدائی معلومات کے مطابق مبینہ طور پر گھریلو جھگڑے کے سبب بہنوں نے گھر میں صفائی میں استعمال ہونے والا بلیچ پیا تاہم میڈیکل رپورٹ آنے کے بعد اصل صورتحال واضح ہوسکے گی
=====================
کراچی: نارتھ ناظم آباد میں تعمیراتی کام کے دوران 2 مزدور سیوریج لائن میں گر کر جاں بحق
کراچی کے علاقے نارتھ ناظم آباد میں تعمیراتی کام کے دوران 2 مزدور سیوریج لائن میں گر کر جاں بحق ہوگئے۔
پولیس حکام کے مطابق تعمیراتی کام کے دوران ایک مزدور کا پاؤں سلپ ہوا اور سیوریج لائن میں جاگرا اسے بچانے کے لیے دوسرا مزدور نیچے اترا تو وہ بھی پانی کے بہاؤ میں بہہ گیا۔
فوری طور پر ریسکیو حکام کو موقع پر طلب کیا گیا جنہوں نے کچھ ہی دور سیوریج لائن سے دونوں مزدوروں کی لاشیں نکال لیں۔
لاشوں کو قانونی کارروائی کے لیے عباسی شہید اسپتال لے جایا گیا ۔
پولیس حکام نے مزید بتایا کہ جاں بحق افراد کی شناخت غفار اور طفیل کے نام سے کی گئی جن کا آبائی تعلق پنجاب سے تھا۔
