یونیورسٹی آف ویٹرنری اینڈاینیمل سائنسز لاہور میں اسپیشل اینیمل اینڈ ویٹر نری ایمر جنسی ریلیف سو سا ئٹی (SAVERS)کے زیر اہتمام نویں ایلو مینا ئی ری یونین اور حلف بر داری تقریب کا انعقاد سٹی کیمپس میں ہوا۔ وا ئس چانسلرمیری ٹوریئس پروفیسر ڈاکٹرمحمد یونس(تمغہ امتیاز) نے حلف برداری تقریب کی صدارت کرتے ہو ئے سیور سو سائٹی کے نئے عہدیداروں سے حلف لیا جبکہ دیگر اہم شخصیا ت میں ڈین فیکلٹی آف ویٹر نری سائنس پروفیسر ڈاکٹر انیلہ ضمیر درا نی، ڈاکٹر محمد انیب کے علاوہ فیکلٹی ممبران اور طلبا و طالبات کی بڑ ی تعداد نے شر کت کی۔ تقریب سے خطاب کرتے ہو ئے پروفیسر ڈاکٹر محمد یونس نے سیور سو سائٹی کے نئے عہد ے داروں کو مبارکباد دی نیز اُ نہو ں نے جانوروں کے علاج معالجے کے حوالے سے بہترین ویٹر نری سروسز مہیا کرنے پرسیور سو سا ئٹی کی کاوشوں کو سرا ہا اور طلبہ کو پوری محنت لگن کے ساتھ کام کرنے کی تاکید بھی کی۔
====================
نیشنل کالج آف آرٹس میں ایک شاندار ادبی مشاعرہ ’’متاعِ لوح و قلم‘‘ کا انعقاد کیا گیا، جس میں ملک کے نامور شعراء نے شرکت کی۔ یہ مشاعرہ اردو ادب کے فروغ اور نوجوان نسل کو شعری ذوق سے روشناس کرانے کے مقصد کے تحت منعقد کیا گیا۔
مشاعرے کی صدارت ممتاز شاعر افتخار عارف نے کی، جبکہ کشور ناہید، انور شعور، اصغر ندیم سید، اشفاق حسین، عباس تابش، اروِندر چمک، عدنان بیگ، انجم سلیمی، شکیل جاذب، رحمان فارس اور شاہین عباس سمیت دیگر معروف شعراء نے اپنے کلام سے سامعین کو محظوظ کیا۔
تقریب کے دوران شعراء نے اپنے کلام میں اردو ادب کی عظمت، معاشرتی مسائل اور محبت و امن کے پیغام کو اجاگر کیا۔ سامعین نے ہر شاعر کے کلام کو دل کھول کر سراہا اور داد و تحسین سے نوازا۔
نیشنل کالج آف آرٹس کے وائس چانسلر پروفیسر ڈاکٹر مرتضیٰ جعفری نے اس موقع پر کہا کہ ایسے ادبی پروگرامز کا انعقاد نوجوان نسل میں ادب اور فنونِ لطیفہ سے وابستگی کو فروغ دیتا ہے اور تخلیقی صلاحیتوں کو جلا بخشتا ہے۔
پروگرام میں طلباء و طالبات، کالج فیکلٹی اور ادب سے تعلق رکھنے والے افراد کی بڑی تعداد نے شرکت کی ۔
=======
پروفیسر ڈاکٹر محمد معین، پروفیسر ڈاکٹر جاوید اقبال چوہدری کو منتھلی کلینیکل میٹنگ کے کامیاب انعقاد پر گلدستہ پیش کر رہے ہیں
آفتھلمولوجیکل سوسائٹی آف پاکستان کی ماہانہ کلینیکل میٹنگ 15 فروری کو کالج آف آفتھالمالوجی اینڈ الائیڈ ویژن سائنسز، میو ہسپتال لاہور کے اسد اسلم آڈیٹوریم میں منعقد ہوئی۔ اس پروگرام کا آغاز تلاوت قرآن پاک اور نعتِ رسول مقبول ﷺ سے ہوا، جس کے بعد سائنٹیفک سیشنز، علمی مباحثوں، اور مرحوم اساتذہ کے لیے تعزیتی ریفرنس شامل تھے۔
اجلاس کی صدارت او ایس پی کے صدر پروفیسر ڈاکٹر جاوید اقبال چوہدری نے کی، جبکہ جنرل سیکرٹری پروفیسر ڈاکٹر ناصر چوہدری سمیت سوسائٹی کے ممتاز اراکین بشمول پروفیسر ڈاکٹر خلیل رانا، پروفیسر نذیر احمد عاصی، پروفیسر ڈاکٹر سلیم اختر، پروفیسر ڈاکٹر قمرالسلام لودھی، پروفیسر آیمرائٹس ڈاکٹر اسد اسلم خان، پروفیسر ڈاکٹر محمد معین،پروفیسر ڈاکٹر ذاہرہ بخاری، پروفیسر ڈاکٹر ہما کیانی، فیکلٹی، اور امراضِ چشم کے طلباء طالبات بھی اس کلینیکل میٹنگ کا حصہ تھے۔
کلینیکل میٹنگ کے سائنٹفک سیشن میں پوسٹ گریجویٹ ریزیڈنٹس کے درمیان سائنٹیفک مقالہ جات کا مقابلہ شامل تھا، جس میں شرکا نے آنکھوں کے امراض کے جدید علاج پر تحقیق پیش کیں۔ جس میں ڈاکٹر فاطمہ ریاض “آربیٹل ٹراما کے علاج میں نئے طریقہ کار” پر مقالہ پیش کرتے ہوئے اول پوزیشن پر رہیں۔ ڈاکٹر شبنم زاہد نے “کیٹ سکریچ ڈزیز کے کلینیکل پہلوؤں” پر روشنی ڈالتے ہوئے دوسری پوزیشن حاصل کی۔ ڈاکٹر عبدالباسط “آنکھ کے پردے کی امراض کی تشخیص اور علاج پر جامع تحقیق پیش کرتے ہوئے تیسری پوزیشن پر رہے۔ اس کے علاوہ، ایک ہاؤس آفیسر نے ریٹینو پیتھی آف پری میچورٹی کے کلینیکل ڈیٹا کی بنیاد پر ایک خصوصی رپورٹ پیش کی، جو مقابلے کا حصہ نہیں تھی، مگر علمی حلقوں میں سراہی گئی۔ اس سائنٹیفک سیشن میں شریک ڈاکٹرز جنہوں نے پوزیشنز حاصل کی اُن کی حوصلہ افزائی کے لیے شیلڈز، کیش انعامات اور سرٹیفکیٹ سے حوصلہ افزائی کی.
اجلاس کے مہمانِ خصوصی پروفیسر ڈاکٹر محمد عمران (چیئرمین میڈیکل یونٹ اور رجسٹرار کنگ ایڈورڈ میڈیکل یونیورسٹی) نے ذیابیطس کے علاج میں جدید حکمتِ عملی پر ایک معلوماتی لیکچر دیا، جس نے شرکا کو نئے تحقیقی رجحانات سے آگاہ کیا۔
میٹنگ کے اختتام پر سوسائٹی کے دو مرحوم اراکین پروفیسر علی حیدر شہید اور پروفیسر ڈاکٹر انوار الحق ہاشمی کی یاد میں تعزیتی ریفرنس منعقد ہوا۔ اختتام پر دعا اور تمام شرکا کے ایک منٹ کے خاموش عقیدت کے بعد، مرحومین کی علمی خدمات کو خراجِ تحسین پیش کیا گیا۔
او ایس پی کے صدر پروفیسر ڈاکٹر جاوید چودھری نے تمام شرکا، مہمانوں، پروفیسر ڈاکٹر محمد معین کا بطور پرنسپل کالج آف آفتھلمالوجی اینڈ الائیڈ ویژن سائنسز کے بھرپور تعاون کا تہہ دل سے شکریہ ادا کیا.
===========================
یو نیورسٹی آف انجینئرنگ اینڈ ٹیکنالوجی لاہور میں پرائم منسٹر گرین یوتھ موومنٹ کے تحت گرین وال اور شجرکاری مہم کاباقاعدہ آغاز کر دیا گیا۔ا فتتاحی تقریب انوائرنمنٹل انجینئرنگ ڈیپارٹمنٹ میں منعقدہوئی جس میں فوکل پرسن پرائم منسٹر یوتھ پروگرام پنجاب فہد شہباز نے خصوصی شرکت کی اوراپنے نام کا پودا لگا کرشجرکاری مہم کا آغازکیا۔بعد ازاں پرو وائس چانسلر ڈاکٹر ناصر حیات،رجسٹرارمحمد آصف، پی آر او ڈاکٹر تنویر قاسم، چیئرمین انوائرنمنٹل ڈاکٹر عامر اخلاق اور دیگر فیکلٹی ممبران نے اپنے اپنے نام کے پودے لگاکر مہم میں حصہ لیا۔ اس سلسلے میں یونیورسٹی کے طول و عرض میں متعدد پودے لگائے جائیں گے۔مہم کا مقصد کیمپس کو سر سبز وشاداب بناکر طلباء کو صحت افزاء ماحول فراہم کرنا ہے۔اس موقع پرڈاکٹر ناصر حیات نے طلبہ،سٹاف اور فیکلٹی ممبران سے گفتگو کرتے ہوئے کہا کہ گلوبل وارمنگ ایک بڑے خطرے کی شکل اختیار کرتا جا رہا ہے۔درخت ماحول کو بہتر بنانے اور ہیٹ ویوز کو روکنے میں بنیادی کردار ادا کرتے ہیں۔ہم بڑی تعداد میں درخت لگا کر گلوبل وارمنگ کے خطرے سے بچ سکتے ہیں۔گرین موومنٹ سیمینار میں طلباء سے خطاب کرتے ہوئے فہد شہباز کا کہنا تھا کہ پودے لگا کر ہم دنیا کو درپیش موسمیاتی تبدیلی جیسے مسائل پر قابو پاسکتے ہیں اس مقصد کیلئے باقی جامعات میں بھی اس قسم کی سر گرمیاں منعقد کروائی جا رہی ہیں۔انہوں نے طلباء کوکیمپس میں موجودہ پودوں اور درختوں کا ناصرف خیال رکھنے بلکہ انکی تعداد میں اضافے کو یقینی بنانے کیلئے خصوصی ہدایات بھی جاری کیں۔
===========================
یو نیور سٹی آف ویٹرنری اینڈاینیمل سائنسز لاہور کے وائس چانسلر میری ٹو ریئس پروفیسر ڈاکٹرمحمد یونس (تمغہ امتیاز) نے ڈیری ایشیاء ایکسپو 2025کی افتتا حی تقریب میں شر کت کی۔اپنے دورہ کے دوران اُ نہو ں نے ڈین فیکلٹی آف ویٹر نری سائنس پروفیسر ڈاکٹر انیلہ ضمیر درا نی کے ہمراہ ڈیری ایشیا ء ایکسپو میں قائم ویٹر نری یونیورسٹی کے سٹا ل کاافتتا ح بھی کیا۔ دریں اثنا ء چیف ایگزیکٹیو آفیسر/مینجنگ ڈائریکٹر نیسلے پاکستان مسٹر جیسن ایون سینا نے ویٹر نری یونیورسٹی کے نما ئشی سٹا ل کا دورہ کیا اور وہا ں سٹا لز پر مو جود دودھ سے بنی مختلف مصنو عات(پنیر، ذا ئقے دار دودھ)کی کو الٹی کا جا ئزہ لیا۔ مسٹر جیسن نے ویٹر نری یونیورسٹی میں تیار کردہ دودھ سے بنی مصنو عات کی بے حد تعریف کی اور فیکلٹی ممبران کی کا وشو ں کو سرا ہا۔ اُ س مو قع پر پروفیسر ڈاکٹر محمد یونس نے کہا کہ ڈیری ایشیا ء ایکسپو جیسے میگا ایو نٹ کا انعقاد پاکستان میں لا ئیو سٹاک سیکٹر کی تر قی اور ملکی معیشت کو مستحکم بنا نے کے لیئے انتہا ئی مو ثر ہے۔
=====================
جناح ہسپتال میں تاریخ رقم،ای این ٹی ڈیپارٹمنٹ نے کامیابی سے بچے کا کوکلئیر امپلانٹ کردیا۔ تفصیلات کے مطابق 5سالہ علیان کی سرجری پروفیسر ارشاد ملک کی سربراہی میں مشتمل ٹیم نے کی۔ اس موقع پر پرنسپل علامہ اقبال میڈیکل کالج پروفیسر اصغر نقی نے شعبہ ای این ٹی اور کوکلئیر امپلانٹ کرنے والی ٹیم کو مبارک باد دی ان کا کہنا تھا کہ پروفیسر ارشاد ملک کی نگرانی میں مستند ٹیم نے کوکلئیر امپلانٹ کیا اور بچے کی قوت سماعت بلکل ٹھیک ہے۔کامیاب امپلانٹ سرجری کے موقع پر پروفیسر محمد ارشاد ملک کا کہنا تھا کہ اس آپریشن کی کامیابی پرنسپل پروفیسر محمد اصغر نقی کی کاوشوں کا ثمر کیونکہ انھوں نے ہماری ٹیم کو اس امپلانٹ کرنے کی نہ صرف اجازت دی بلکہ اس کے لیے ضروری طبی امداد بھی فراہم کی جبکہ کچھ مخیر حضرات کا تعاون بھی رہا،اس کامیابی سے جناح ہسپتال میں جدید طبی طریقہ کار کا آغاز ہے،ہم کوشش کررہے ہیں کہ مستقبل میں بھی ایسے بچے جو قوت سماعت سے محروم ہیں ان کا علاج حکومتی احکامات کی روشنی میں بلا معاوضہ کریں تاکہ وزیر اعلی پنجاب مریم نواز کے صحت سے متعلق ویژن کو ممکن بنایا جاسکے۔
=======================
کیبی (CABI) انٹرنیشنل اور پریس کلب کے زیر اہتمام سسٹین ایبل ایگریکلچر ڈویلپمنٹ کے لیے صحافیوں کے لیے آگاہی ورکشاپ کا انعقاد کیا گیا۔ جس میں کیبی کے کنڑی کوآرڈینٹر پاکستان ڈاکٹر نعیم اسلم، عظمت عباس ڈویلپمنٹ کمیونیکیشن ایشیاء، صدر پریس کلب اشدر انصاری، نائب صدر صائمہ نواز اور ممبر گورننگ باڈی محبوب احمدچوہدری نے محفوظ زراعت کے حوالے سے شرکاءکوآگا ہ کیا۔ اس موقع پر ڈاکٹر نعیم نے صحافیوں کو کیبی کی پاکستان میں خدمات کے حوالے سے آگاہ کیا اور زرعی زہروں کے مضر اثرات سے محفوظ رہنا، زراعت کو کیڑوں، بیماریوں سے درپیش خطرات اور کیبی ڈیجیٹل ٹولز سے متعلق آگاہی فراہم کی۔ کیبی ماہرین کے مطابق ملک میں زرعی زہر کا استعمال گذشتہ بیس سالوں میں گیارہ سو فیصد تک بڑھ چکا ہے جس سے انسانی جانوں ،صحت ، ماحول اور زیر زمین پانی پر انتہائی منفی اثرات مرتب ہو رہے ہیں۔ اس سلسلہ میں کیبی نے بائیو لوجیکل کنڑول کو فروغ دینے کے لیے حکومت پاکستان کو لیباٹریز بنا کر دیں ہیں جہاں ماحول دوست کیڑے پیدا کئے جا رہے ہیں جو کہ زرعی زہروں پر انحصار کم کرنے میں معاون ہونگے۔ ماہرین نے اس موقع پر صحافیوں کے سوالات کے جواب بھی دیئے۔ ماہرین کا کہنا تھا کہ صرف ٹماٹر کی فصل کو بچانے کے لیے چودہ مرتبہ سپرے کیے جاتے ہیں۔ صدر لاہور پریس کلب ارشد انصاری کا کہنا تھا کہ کیبی کے ساتھ ایم او یو کے تحت پانچ سال تک صحافیوں کی تربیت اور نالج شیئرنگ کی جائے گی جس سے معاشرے میں آگاہی فراہم کرنے میں مدد ملے گی۔ صدر لاہور پریس کلب ارشد انصاری نے معلوماتی سیشن کا انعقاد کرنے پر نائب صدر صائمہ نواز کی کاوش کو سراہا۔
