پنجاب پیرا میڈیکل سٹاف ایسوسی ایشن کے وفد نے صوبائی صدر محمد ارشد بٹ کی قیادت میں ایم ایس سروسز ہسپتال ڈاکٹر عابد غوری اور اے ایم ایس ایڈمن ڈاکٹر خالد حسین سے ملاقات کی اورورک چارج ملازمین کی تنخواہیں بڑھانے پر اظہار تشکر کیا گیا۔ اس موقع پر صوبائی صدر محمد ارشد بٹ نے کہا کہ ملازمین کے اس مسئلہ کو ترجیحی بنیادوں پر حل کرنے پر ہسپتال انتظامیہ کو خراج تحسین پیش کرتے ہیں۔ایم ایس ڈاکٹر عابد غوری نے کہا کہ ملازمین ہسپتال میں ایک فیملی کی طرح ہوتے ہیں ان مسائل ترجیحی بنیادوں پر حل کرنا انتظامیہ کی ذمہ داری ہے انہوں نے کہا کہ ملازمین کے بقایا جات بھی جلد ادا کئے جائیں گے۔ اس موقع پر پیرا میڈیکل سٹاف ایسوسی ایشن نے انتظامیہ کے شانہ بشانہ چلتے ہوئے ادارے کی ترقی اور فلاح کے لئے مل کر جل کر کام کرنے کے عزم کااظہار کیا۔ایم ایس ڈاکٹر عابد غوری اور اے ایم ایس ایڈمن ڈاکٹر خالد نے پیرا میڈیکل ایسوسی ایشن کی جانب سے خصوصی محبت کے اظہار پر تشکریہ ادا کیا ۔ اس موقع پر وسیم احمد، راشد محمود، رفیق سہوترا، ، اعظم ، قمر عباس، شیرافگن، نصیر احمد و دیگر ملازمین موجود تھے۔
