کراچی ( اسٹاف رپورٹر) وزیر اعلیٰ سندھ سید مراد علی شاہ کی خصوصی ہدایات پر پیٹرول پمپس مافیا کے خلاف کریک ڈاؤن کا آغاز سندھ بھر میں کاروائیوں کی ہدایات جاری وزیراعلی سندھ کے معاون خصوصی برائے اوزان و پیمائش و رسد عثمان ہنگورو کے شہر بھر میں تابڑ توڑ چھاپے انکے ہمراہ متعلقہ محکمہ جاتی افسران بھی تھے 12 پیٹرول پمپس پر چھاپہ مار کاروائی کی گئی ‘ شاہین کمپلیکس کم مقدار پر ‘ پی ایس او پمپ کے دو ڈسپینسر سیل کردیے گئے جبکہ محکمہ جنرل ایڈمنسٹریشن کے اکاؤنٹس والا پمپ کا ایک ڈسپینر سیل کردیا گیا دوسری جانب مہران ٹاؤن کے علاقے میں بھی کم مقدار کے سبب ایک دوسرے پی ایس او پمپ کے خلاف محکمہ جاتی کارروائی کرتے ہوئے اسے بھی بند کرکے سیل لگا دی گئی معاون خصوصی حکومت سندھ ‘ عثمان ہنگورو ‘ نے شہر کے کئی دیگر علاقوں جن میں صدر، آرام باغ، سول لائنز، گزری، ڈیفنس اور کورنگی انڈسٹریل ایریا میں بھی پیٹرول پمپس کو چیک کیا اور مکمل مقدار کیساتھ پیٹرول فراہم کرنے والے پمپس مالکان کی حوصلہ افزائی کرتے ہوئے انھیں خراج تحسین پیش کیا انھوں نے اس موقع پر اپنے خصوصی پیغام میں کہا کہ ہوشرباء مہنگائی اور دیگر بنیادی مسائل کے سبب عوام شدید مشکلات کا شکار ہیں جبکہ مافیا پورے پیسے لیکر کم مقدار میں پیٹرول فروخت کرے اس غیرقانونی ‘ غیر اخلاقی عمل کی قطعاً کوئی گنجائش نہیں انھوں نے کہا کہ ‘ پیمائش اور وزن میں کمی کرنا قانوناً جرم ہے جبکہ اسکی مزہب میں بھی کوئی گنجائش نہیں انھوں نے واضح کیا کہ ایسے عناصر کو سخت ترین قانونی و محکمہ جاتی کارروائی کا سامنا کرنا ہوگا حکومت شہریوں کے بنیادی حقوق کا تحفظ قانون کے مطابق کریگی اور کسی کو بھی خلاف قانون عمل کرنے کی ہر گز اجازت نہیں دی جائیگی
