راولپنڈی
انھوں نے یہ بات ممبر سازی مہم کا جائزہ لینے سے متعلق منعقدہ اجلاس کے دوران کہی۔اجلاس کے دوران قومی ،صوبائی ،سٹی، یوتھ ونگ حلقوں کی خواتین کنوینرز ،سیکریٹریز سمیت آفس سیکریٹریٹ راولپنڈی کے مرد و خواتین ونگز کے منتظمین نامزد کیے گئے۔اس موقع پر راولپنڈی میٹرو پولیٹن خواتین ونگ کی کنوینر ثمینہ شعیب ،کنوینر مردانہ گروپ سردار نزیر احمدکشمیری ،رضیہ سلطانہ ،سیدہ بیگم ،دولتانہ کوثر،نادیہ اقبال،افشین سمیع ،و دیگر موجود تھے۔چوہدری انعام ظفر نے مرد و خواتین کی ممبر سازی پر ممبران کی حوصلہ افزائی کی۔اور کہا کہ ملک میں مہنگائی عروج پر ہے،عام آدمی معاشی استحصال کا شکار ہے۔عوام پاکستان پارٹی عام آدمی کو مہنگائی سے نجات دلائے گی۔انھوں نے کہا کہ سابق وزیر اعظم پاکستان و عوام پاکستان پارٹی کے مرکزی کنوینئر شاہد خاقان عباسی ایک انصاف پسند اور مدبر عوامی رہنما ہیں ۔جو مرکزی اور مقامی قیادت سے مکمل رابطے میں رہتے ہیں،جنھیں پارٹی کی کارکردگی سے گاہے بگاہے آگاہ کیا جاتا ہے۔انھوں نے مزید کہا کہ پارٹی کو نظریاتی کارکنان کی ضرورت ہے ۔نظم و ضبط اور نظریات سے وفاداری میں ہی کامیابی کا راز پوشیدہ ہے۔جس پر عمل درآمد کرکے پارٹی کو پاکستان کی مستحکم نمائندہ جماعت بنایا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
