کرائم رپورٹرز ایسوسی ایشن (CRA) کا بول ایکشن کمیٹی کے ہمراہ متاثرین کے واجبات کی عدم ادائیگی اور جبری برطرفی کے خلاف پیمرا آفس کراچی کے باہر احتجاج کیا گیا
احتجاج میں سی آر اے ممبران کی بڑی تعداد نے شرکت کی جنہوں نے متاثرہ صحافیوں کے ساتھ اظہار یکجہتی کی، اس موقع پر سی آر اے کے سیکرٹری نے پیمرا کی جانب سے بار بار اپنے وعدے پورے کرنے میں ناکامی کی مذمت کی۔
سی آر اے کے صدر شاہد انجم نے کہا کہ ‘صحافی یہاں قرضوں کی بھیک مانگنے نہیں بلکہ اپنے حقوق مانگنے کے لیے جمع ہوئے ہیں’۔ انہوں نے خبردار کیا کہ پیمرا اپنے فیصلوں پر عمل درآمد میں ناکام ہوا تو احتجاج بڑے پیمانے پر ہوگا
بول ایکشن کمیٹی کے کنوینئر عبید شاہ کا کہنا تھا کہ 6 فروری کو قائمہ کمیٹی برائے اطلاعات ونشریات کے اجلاس میں بول متاثرین کی ادائیگی کے حوالے شیڈول جاری نہ کیا گیا تو بول کا گھیرائو کیا جائیگا
بعد ازاں سی آر اے کے صدر شاہد انجم، سنو نیوز کے بیورو چیف شعیب برنی، عبید شاہ فرحان گل، محمد ریحان اور راجہ عمران پر مشتمل وفد نے پیمرا کے ڈی جی طفیل چنہ سے ملاقات کی اور اپنے تحفظات کا اظہار کیا۔
سی آر اے بول نیوز کے ملازمین کو واجبات کی فوری ادائیگی اور جبری برطرفی کے خاتمے کا مطالبہ کرتا ہے۔ ہم پیمرا سے مطالبہ کرتے ہیں کہ اس مسئلے کو حل کرنے کے لیے فوری ایکشن لیا جائے
ترجمان
عباد الحسن عثمانی
کرائم رپورٹرز ایسوسی ایشن
