کراچی3 فروری۔ سندھ حکومت نے محکمہ زراعت کے 110 افسران کو گریڈ 17 سے 18 میں ترقیاں دے دیں. اس سے متعلق سیکریٹری زراعت کی زیر صدارت اجلاس منعقد ہوا، جس میں گریڈ 17 سے 18 میں ترقیاں حاصل کرنے والوں میں محکمہ زراعت سندھ کے 104 زرعی افسران،2 پلاننگ افسران، 1 ریسرچ، اسسٹنٹ ڈائریکٹر اور دیگر شامل ہیں۔ اس موقع پر سیکریٹری زراعت سہیل احمد قریشی نے افسران کو مبارکباد دیتے ہوئے کہا ہے کہ وزیر زراعت سردار محمد بخش مہر کی ہدایت پر محکمہ زراعت سندھ نے چند ماہ میں 500 سو سے زائد افسران کو ترقیاں دی ہیں، افسران کی بروقت ترقی نہ صرف ان کی حوصلہ افزائی کرتی ہے بلکہ اس سے محکمے کی کارکردگی بھی بہتر ہوتی ہے،جب افسران کو بروقت ترقی ملتی ہے تو وہ مزید محنت اور لگن سے کام کرتے ہیں جس سے محکمے کی ترقی میں مدد ملتی ہے. انہوں نے مزید کہا کہ خالی آسامیوں کو بروقت پر کرنا ضروری ہے تاکہ ترقی کے عمل میں رکاوٹ نہ ہو، محکمہ جاتی قواعد و ضوابط پر سختی سے عمل کرنا چاہیے تاکہ کسی کے ساتھ ناانصافی نہ ہو، محکمہ زراعت کے افسران کسانوں کے لیے ایک اہم ذریعہ ہیں جو ان کی ترقی اور خوشحالی میں مدد کرتے ہیں.
ہینڈآؤٹ نمبر144۔۔۔آئی ایس
