ڈیرہ غازیخان2فروری2025
ڈپٹی کمشنر محمد عثمان خالد نے ٹیچنگ ہسپتال کے ٹراما سنٹر میں آئی سی یو، ہنگامی طبی معائنہ ودیگر وارڈز میں سہولیات کاجائزہ لیا۔انہوں نے ٹراما سنٹر کے واش رومز میں صفائی کی ناقص صورتحال پر سنیٹری ورکر کو فارغ کرنے کا بھی حکم دیا،انہوں نے ہدایت کی کہ ایمرجنسی مریضوں کیلئے وافر ادویات کا سٹاک ر کھا جائے، ڈاکٹرز و پیرا میڈیکل سٹاف مریضوں کے علاج پر خصوصی توجہ دے،ڈیوٹی عبادت سمجھ کر انجا م دی جائے،مریضوں کو ہسپتال ہی سے ادویات دی جائیں انہوں نے کہا کہ اگر مریضوں کو باہر کی ادویات لینے کیلئے کہا گیا تو ذمہ داروں کےخلاف سخت کارروائی عمل میں لائی جائے گی،ڈپٹی کمشنر نے آر ایچ سی سرور وا لی میں ری ویمپنگ کام کا جائزہ بھی لیا.
ڈپٹی کمشنر نے یونین کونسلوں کے دفاتر کا بھی دورہ کیا،انہوں نے وزیر اعلی پنجاب کی سوشیو اکنامک رجسٹری کے ڈیٹا کولیکشن
کے عمل کا جائزہ لیا، انہوں نے بجلی مسائل کو حل کرنے کی ہدایت کرتے ہوئے کہا کہ انرجی کے متبادل ذرائع کا بندوبست بھی ضرور کیا جائے.اس موقع پر انہوں نے سائلین کو سہولیات فراہم کرنے کا بھی حکم دیا۔محمد عثمان خالدنے ملا قائد شاہ قبرستان کا بھی دورہ کیا، اس دوران انہوں نے صفائی صورتحال کو یقینی بنانے کی ہدایت کرتے ہوئے کہا کہ شہر
خموشاں میں روزانہ کی بنیاد پر صفائی کو یقینی بنایا
جائے،میں سرپرائزوزٹ کے دوران دوبارہ قبرستان میں صفائی امور کا جائزہ لوں گا.
ڈپٹی کمشنر نے شہر کے مرکزی ٹریفک چوک پر پرائس چیکنگ بھی کی،انہوں نے پھلوں،سبزیوں اور دیگر اشیائے خوردونوش کی قیمتوں کی پڑتال کرتے ہوئے کہا کہ تمام تاجر اور ریڑھی بان ریٹ لسٹوں کو نمایاں جگہوں پر آویزاں کریں،جائز منافع لیں اور کسی کا حق نہ کھائیں،ڈپٹی کمشنر محمد عثمان خالد نے کشمیر پارک کا تفصیلی دورہ کیا،اس دوران انہوں نے کنٹین پر صفائی کی ناقص صورتحال پر برہمی کا اظہار کرتے ہوئے کہا کہ کھانے پینے کی چیزوں میں صفائی کا خاص خیال رکھا جائے، انہوں نے کنٹین مالک کو آخری وارننگ دیتے ہوئے کہا کہ وہ چیزوں کا معیار بہتر بنائے،ریٹ لسٹ آویزاں کرے تاکہ اوورچارجنگ نہ ہوسکے. ڈپٹی کمشنر نے کشمیر پارک میں جمنیزیم کا بھی معائنہ کیا،انہوں نے حکم دیا کہ جمنیزیم کی تما م مشینری کو درست رکھا جائے تاکہ پارک میں آنیوالے مرد و خواتین کو صحتمند سہولیات فراہم کی جاسکیں.
