سپیشل بچوں کیلئے وزیراعلی مریم نواز کے سپیشل پراجیکٹس کا سپیشل ریکارڈ،پہلا سرکاری آٹزم سکول تکمیل کے آخری مراحل میں داخل
پاکستان کے پہلے سرکاری آٹزم سکول میں آٹزم کے مریض بچوں کا مفت علاج کیاجائیگا،وزیراعلی مریم نوازشریف کی ہدایت پر آٹزم سکول پراجیکٹ کی تکمیل ایک سال میں ہو گی
سپیشل ایجوکیشن مراکز میں 10 آٹزم یونٹس قائم، آٹزم کے علاج کیلئے درکارمخصوص تعلیمی سہولیات کی فراہمی کاآغاز، معاون خصوصی ثانیہ عاشق آٹزم سکول پراجیکٹ کی مانیٹرنگ پر مامور
وزیراعلی مریم نوازکے حکم پر 9,206 معاون آلات کی فراہمی، 7,702 آلات سماعت، 360 وہیل چیئرز، 300 واکرز، 344 بیساکھیاں اور 500 سفید چھڑیاں دی گئیں
سپیشل ایجوکیشن سسٹم کی بہتری کیلئے 35 سکولوں کی مڈل سے سیکنڈری لیول اپ گریڈیشن،سپیشل ایجوکیشن کے 28سکولوں کوسنٹر آف ایکسی لینس بنائیں گے
سپیشل ایجوکیشن کے بچوں کیلئے کلاس 5تک خصوصی نصاب کی تیاری، سماعت سے محروم بچوں کیلئے ترجمہ القرآن کا خصوصی نصاب متعارف کرایا گیا، سپیشل طلبہ کیلئے مخصوص سکل کورسز کی تیاری
نجی اداروں کے اشتراک سے سپیشل طلبہ کیلئے جاب فیئر، 900طلبہ کی رجسٹریشن، 25طلبہ کو ملازمت مل گئی،سپیشل ایجوکیشن ووکیشنل میٹرک کے پہلے بیج کے 14سپیشل طلبہ کی کامیابی
سپیشل ایجوکیشن کے معیار تعلیم کوبلندکرنے کیلئے سکول انفارمیشن سسٹم ڈویلپمنٹ،سٹیزن ریلیشن شپ مینجمنٹ، سپیشل ایجوکیشن موبائل ایپ اور سمارٹ مانیٹرنگ ایپ کی تیاری
586 سپیشل طلبہ کے عام سکولوں میں داخلے،سپیشل طلبہ کیلئے سپورٹس گا لہ،8 نئے خصوصی سکولوں کی عمارتوں کی تعمیر مکمل، 9 مزید عمارتوں کی تعمیر کی منظوری دی گئی
سپیشل بچے ہمارے لئے سپیشل ہیروکی مانندہیں،پنجاب میں سپیشل ایجوکیشن مراکز اور سسٹم میں بہتری کا ہدف ہرصورت پوراکرینگے:مریم نوازشریف
پاکستان کے پہلے سرکاری آٹزم سکول کے قیام سے والدین پر مالی بوجھ کم ہوگا،سپیشل بچوں کی بحالی کا مقصد انہیں معاشرے کا مفید اورکارآمد شہری بناناہے
لاہور2 فروری:…… وزیراعلی پنجاب مریم نوازشریف نے سپیشل بچوں کیلئے سپیشل پراجیکٹس کا سپیشل ریکارڈقائم کردیا-وزیراعلی مریم نوازشریف کی ہدایت پر لاہور میں بننے والا پاکستان کا پہلا سرکاری آٹزم سکول تکمیل کے آخری مراحل میں داخل ہوچکاہے-پاکستان کے پہلے سرکاری آٹزم سکول میں آٹزم کے مریض بچوں کا مفت علاج کیاجائے گا -وزیراعلی مریم نوازشریف کی ہدایت پر آٹزم سکول پراجیکٹ کی تکمیل ایک سال میں کی جائے گی -معاون خصوصی برائے وزیراعلی ثانیہ عاشق آٹزم سکول پراجیکٹ کی مانیٹرنگ پر مامور ہیں -اسکے ساتھ ساتھ پنجاب کے مختلف خصوصی تعلیمی اداروں میں 10 آٹزم یونٹس قائم کئے گئے ہیں جہاں آٹزم کے شکار بچوں کے لیے درکارمخصوص تعلیمی سہولیات کی فراہمی کاآغاز کردیا گیاہے- ڈی جی سپیشل ایجوکیشن پنجاب شاہدہ فرخ کی رپورٹ کے مطابق وزیراعلی مریم نوازشریف کے حکم پر سپیشل طلبہ کے لیے 9,206 معاون آلات فراہم کئے گئے ہیں، سپیشل طلبہ کو 7,702 آلات سماعت، 360 وہیل چیئرز، 300 واکرز، 344 بیساکھیاں اور 500 سفید چھڑیاں دی گئیں – سپیشل ایجوکیشن سسٹم کی بہتری کے لیے 35 سکولوں کو مڈل سے سیکنڈری لیول، پرائمری سکول کی مڈل لیول پر اپ گریڈیشن کی گئی ہے-سپیشل ایجوکیشن کے 28سکولوں کوسنٹر آف ایکسی لینس اپ گریڈ کرنے کا پراجیکٹ شروع کردیا گیاہے-سپیشل ایجوکیشن کے بچوں کیلئے کلاس اول سے کلاس5تک خصوصی نصاب کی تیاری شروع کردی گئی ہے- سماعت سے محروم بچوں کے لیے ترجمہ القرآن کا خصوصی نصاب متعارف کرایا گیاہے-پنجاب میں سپیشل طلبہ کیلئے مخصوص سکل کورسز کی تیاری کا عمل بھی جاری ہے-پنجاب میں پہلی مرتبہ نجی اداروں کے اشتراک سے سپیشل طلبہ کے لئے مخصوص اور منفرد جاب فیئرمنعقد ہواجہاں 900طلبہ کی رجسٹریشن کی گئی -قابل امر ذکریہ ہے کہ 25طلبہ کو ملازمت مل گئی ہے-سپیشل ایجوکیشن ووکیشنل میٹرک کے پہلے بیج کے 14سپیشل طلبہ نے کامیابی سے امتحان پاس کرلیا-پنجاب میں سپیشل ایجوکیشن کے معیار تعلیم کوبلندکرنے کے لئے سکول انفارمیشن سسٹم ڈویلپمنٹ کیا جا رہاہے، اس کے ساتھ ساتھ سٹیزن ریلیشن شپ مینجمنٹ سسٹم، سپیشل ایجوکیشن موبائل ایپ اور سمارٹ مانیٹرنگ ایپ کی تیاری بھی کی جا رہی ہے-سپیشل ایجوکیشن مراکز سے صحت یابی کے عمل میں بہتری کے بعد 586طلبہ کے عام سکولوں میں ایڈمیشن کرایا گیا ہے- سپیشل طلبہ کو کھیلوں کی طرف راغب کرنے کے لئے پہلی مرتبہ شاندار سپورٹس گا لہ بھی کرایا گیا-پنجاب میں 8 نئے خصوصی سکولوں کی عمارتوں کی تعمیر مکمل ہوگئیں اور 9 مزید عمارتوں کی تعمیر کی منظوری دی گئی-سپیشل ایجوکیشن مراکز میں سلو لرنر طلبہ کے لیے سکریننگ ٹول متعارف کرایا گیا- وزیراعلی مریم نوازشریف کا کہنا ہے کہ سپیشل بچے ہمارے لئے سپیشل ہیروکی مانندہیں -سپیشل ایجوکیشن مراکز اور سسٹم میں بہتری کا ہدف ہرصورت پوراکریں گے -پاکستان کے پہلے سرکاری آٹزم سکول کے قیام سے والدین پر مالی بوجھ کم ہوگا-سپیشل بچوں کی بحالی کا مقصد انہیں معاشرے کا مفید اورکارآمد شہری بناناہے-
٭٭٭٭٭
ہینڈ آوٹ نمبر63
ننکانہ صاحب: ( )02 فروری 2025۔۔۔۔۔۔ڈپٹی کمشنر ننکانہ صاحب محمد تسلیم اختر راو نے پنجاب سوشل اینڈ اکنامک رجسٹری (PSER) کے تحت جاری رجسٹریشن مہم کے حوالے سے تینوں تحصیلوں کے اسسٹنٹ کمشنرز کو اہم ہدایات جاری کرتے ہوئے کہا ہے کہ وہ اپنی متعلقہ تحصیلوں میں رجسٹریشن مراکز کا دورہ کریں اور عملے کی کارکردگی کا جائزہ لیں۔ڈپٹی کمشنر نے کہا کہ عوامی سہولت کے پیش نظر PSER رجسٹریشن کا عمل روزانہ کی بنیاد پر جاری رہے گا تاکہ زیادہ سے زیادہ شہری اس سہولت سے مستفید ہو سکیں۔ انہوں نے مزید ہدایت کی کہ تمام یونین کونسل سیکرٹریز کے دفاتر کھلے رہیں گے اور شہریوں کو رجسٹریشن کی تمام سہولیات فراہم کریں گے۔انہوں نے شہریوں سے اپیل کی کہ وہ PSER رجسٹریشن کے لیے قریبی یونین کونسل آفس یا رجسٹریشن مرکز کا رخ کریں تاکہ وہ حکومت پنجاب کی جانب سے فراہم کردہ مختلف فلاحی اور اقتصادی منصوبوں سے استفادہ کر سکیں۔ رجسٹریشن کے حوالے سے مزید تفصیلات کے لیے PSER کی ویب سائٹ وزٹ کی جا سکتی ہے۔
ہینڈ آوٹ نمبر62
ننکانہ صاحب: ( )02 فروری 2025۔۔۔۔۔۔وزیر اعلی پنجاب مریم نواز شریف کی خصوصی ہدایت پر پنجاب بھر کی طرح ضلع ننکانہ صاحب کی تینوں تحصیلوں میں بھی ریونیو عوامی خدمت کھلی کچہریوں کا انعقاد کیا گیا۔ایڈیشنل ڈپٹی کمشنر جنرل رائے ذوالفقار علی نے ضلع کونسل ہال میں عوامی خدمت کچہری کی صدارت کی جبکہ تینوں تحصیلوں کے اسسٹنٹ کمشنرز نے بھی ریونیو سے متعلقہ عوامی مسائل سنے۔ تحصیلداران، نائب تحصیلداران، سب رجسٹرار، پٹواری حضرات، عملہ اراضی ریکارڈ سینٹر سمیت سائلین کی بڑی تعداد بھی عوامی خدمت کچہری میں موجود تھی۔ایڈیشنل ڈپٹی کمشنر نے آنے والے سائلین کے مسائل سنے اور انکے حل کے لیے موقع پر احکامات جاری کیے۔سائلین نے مسائل موقع پر حل ہونے پر حکومت پنجاب اور ضلعی انتظامیہ کا شکریہ ادا کیا۔سائلین نے میڈیا نمائندگان سے گفتگو کرتے ہوئے کہا کہ کئی دنوں سے پٹواریوں کے دفاتر کے چکر لگا رہے تھے لیکن مسائل حل نہیں ہوئے۔آج خدمت کچہری میں موقع پر مسائل حل ہو گئے ہیں۔شہریوں نے وزیر اعلی پنجاب مریم نواز شریف سے اپیل کرتے ہوئے کہا کہ ہر ہفتے میں عوامی خدمت کچہری کا انعقاد ہونا چاہیے تاکہ ہمارے مسائل ایک ہی چھت کے نیچے حل ہو جائیں۔اس موقع پر ایڈیشنل ڈپٹی کمشنر جنرل ننکانہ صاحب رائے ذوالفقار علی نے گفتگو کرتے ہوئے کہا کہ سائلین کے ریونیو سے متعلقہ مسائل کا حل ضلعی انتظامیہ کی اولین ترجیح ہے۔عوامی خدمت کچہریوں کے ذریعے شہریوں کو درپیش مسائل اور ان کے حل کے لیے متعدد سروسز کی فوری فراہمی کو یقینی بنایا جا رہا ہے، ریونیو سے متعلقہ سائلین کے مسائل کے حل میں کسی قسم کی رکاوٹ نا قابل برداشت ہے۔اے ڈی سی ننکانہ نے کہا کہ ضلع بھر کے تمام اراضی ریکارڈ سنٹرز اور دیہی مراکز مال میں عوام کو پٹوار کلچر سے نجات دلانے۔، درستگی ریکارڈ، فردات کے اجراء، انتقالات کے اندراج، رجسٹری، انکم سرٹیفیکیٹ، معائنہ ریکارڈ، ڈومیسائل کے اجرائاور تصدیق انتقال کی کمپیوٹرائزڈ خدمات کی شفاف انداز میں شہریوں تک فراہمی کو یقینی بنایا جارہا ہے۔
لاہور۔۔۔۔۔
وزیر اعلیٰ پنجاب مریم نواز شریف کا ورلڈ ویٹ لینڈز ڈے پر پیغام
ویٹ لینڈز ماحولیاتی تبدیلیوں کے خلاف دفاع ہے،اسکا تحفظ ماحولیاتی بقا کے لیے ناگزیر ہے-مریم نواز شریف
ویٹ لینڈز ہماری زمین کے پھیپھڑے کہلاتے ہیں اور آبی و جنگلی حیات کے مسکن ہیں-مریم نواز شریف
ویٹ لینڈز زمینی پانی کی سطح کو برقرار رکھتے اور کاربن جذب کرتے ہیں، سیلاب بھی کنٹرول کرتے ہیں- مریم نواز شریف
پنجاب حکومت نے ملکی تاریخ میں پہلی بار جامع “ کلائمیٹ پالیسی” تشکیل دی ہے-مریم نواز شریف
کلائیمٹ پالیسی کے تحت ویٹ لینڈز اور دیگر قدرتی نظام کے تحفظ اور بحالی کو اولین ترجیح دی جا رہی ہے-مریم نواز شریف
ویٹ لینڈز اور دیگر قدرتی خزانوں کی نگرانی کے لیے واچ ٹاورز اور چیک پوسٹوں کی تعمیر کی جاری ہیں-مریم نواز شریف
ویٹ لینڈ اور دیگر قدرتی مسکن پر تفریحی اور تحقیقی مقاصد کے لیے مخصوص سہولیات کی فراہمی یقینی بنا رہے ہیں-مریم نواز شریف
ماہی گیری کے نظام کو منظم کیا گیا ہے، خلاف ورزی پر سزائیں دی جا رہی ہیں – مریم نواز شریف
ایسے کسی بھی عمل کی اجازت نہیں دی جائے گی جو ویٹ لینڈ یا دیگر علاقوں کےقدرتی توازن کو نقصان پہنچا سکے۔مریم نواز شریف
حکومت پنجاب عوام، ماہرین اور عالمی اداروں کے ساتھ مل کر قدرتی ماحول کے تحفظ کیلئے کوشاں ہے-مریم نواز شریف
تمام شہری ماحول دوست طرزِ زندگی اپنائیں قدرتی وسائل کے تحفظ میں حکومت کا ساتھ دیں۔مریم نواز شریف
زمین نئی نسلوں کی امانت ہے، اور ہمیں محفوظ اور بہتر بنانا ہے۔مریم نواز شریف
