سیوریج نظام مکمل طور پر تباہ برباد ہوچکا ہے۔
حب (پ ر) جلیل احمد میروانی عاشق علی زہری ڈاکٹر رب نواز انجیئر زمان علی نے اپنے مشرکہ بیان میں کہا کہ ساکران روڈ افتاب چوک تا صدام ہوٹل حب شہر میں گزشتہ 3 سال سے سیوریج نظام کی معمول کے مطابق صفائی کرنے میں ناکام ہوچکا ہے۔ ادارے کی جانب سے کسی قسم کی سرگرمی نظر نہیں آرہی اور نہ ٹوٹی بوسیدہ سیوریج لائنوں کی تبدیلی ومرمت کی جارہی ہے ،جس کے باعث سیوریج نظام ناکارہ ہوگیا ہے جگہ جگہ گٹر ابل رہے ہیں۔گندہ پانی سے تعفن پھیلتا ہے جس سے مچھر اور دیگر حشرات الارض جنم لیتے ہیں اور یہی ڈینگی و ملیریا پھیلنے کا سبب بنتا ہے
ابلتے گٹروں سے نکلنے والے گندے پانی سے شہریوں بالخصوص نمازیوں کو آمدورفت میں سخت دقت کا سامنا ہے گندا پانی جمع رہنے سے سڑکیں ٹوٹ پھوٹ چکی ہیں اور صحت کے مسائل بھی جنم لے رہے ہیں۔جگہ جگہ سے گٹر کے ڈھکن بھی غائب ہیں، ہر گلی میں گٹروں سے گندا پانی ابل رہا ہے،
اہلیان گلشن امیر اباد کےشہریوں نے حکومت سے مطالبہ کیا ہے کہ شہر میں فوری طور پر سیوریج نظام میں اصلاحات کی جائیں اور مین لائن کو ازسر نو نیا لائن کی منظوری دی جائے
حکومت کی جانب سے مانیٹرنگ نظام نہ ہونے کی وجہ سے مونسپل کمیٹی کے افسران اور عملہ اس حد تک بے حس ہوچکا ہیں کہ شہریوں کی جانب سے سیوریج نظام کی خرابی کی شکایات کو کئی روز گزرجانے کے باوجود دور نہیں کرتا ہے۔
