2 فروری 2025
راولپنڈی
عوام پاکستان پارٹی کے مرکزی رہنما چوہدری انعام ظفر نے کہا کہ ہماری سیاست کا مقصد عوام کی خدمت ہے۔لوگوں کے بنیادی مسائل حل کرنا وقت کی اہم ضرورت ہے۔عوام سے کوئی بات پوشیدہ نہیں رہ سکتی۔کوئی سیاسی قیادت اس وقت تک عوام کا لیڈر بننے کے اہل نہیں ہوسکتی ،جب تک وہ عوام کے مسائل ترجیحی بنیادوں پر حل نہ کرے۔
انھوں نے یہ گفتگو تنظیمی اجلاس کے انعقاد کے موقع پر کہی۔اس موقع پر ان کے ہمراہ راولپنڈی میٹرو پولیٹن خواتین ونگ کی آرگنائزر ثمینہ شعیب ،اسلام آباد ونگ کی آرگنائزر زنیرا ملک ، مردانہ ونگ راولپنڈی کے آرگنائزر سردار نزیر احمد کشمیری ،سردار عرفان یوسف ،اظہر علی قادری،جاوید قریشی ،مجید عباسی،دولتانہ کوثر، ملیحہ حسین،سیدہ بیگم ،رضیہ سلطانہ,نادیہ اقبال و دیگر ان کے ہمراہ موجود تھے۔چوہدری انعام ظفر نے ممبر سازی اور پبلک سیکریٹریٹ کی افتتاحی تقریب سے متعلق ممبران سے تفصیلات طلب کیں۔ممبر سازی میں اضافہ پر منتظمین کی کوششوں کو سراہا اور کہا کہ میں نے پوری زندگی عوام کی خدمت میں بسر کی،یہی میری پہچان ہے۔انھوں نے کہا کہ عوام پاکستان پارٹی لوگوں کی توقعات کا محور بنے گی۔ہم نے سیاست نہیں خدمت کرنی ہے۔لوگ بھی عوامی لیڈر کو ہی یاد رکھتے ہیں۔نعروں پر سیاست کرنے والے ہم نہیں۔چوہدری انعام ظفر نے مزید کہا کہ وہ دن دور نہیں جب ہماری پارٹی عوام کی امنگوں کی ترجمان بنے گی۔
