نیشنل ووکیشنل اینڈ ٹیکنیکل ٹریننگ کمیشن (NAVTTC) اور میمن انڈسٹریل اینڈ ٹیکنیکل انسٹیٹیوٹ (MITI) کے اشتراک سے she fixes پروجیکٹ اور سمر آف کوڈ پروگرام کے تحت شاندار تقریبِ تقسیمِ اسناد منعقد کی گئی۔
یہ پروگرام وزیرِاعظم شہباز شریف کے وژن کے مطابق خواتین کو فنی مہارتوں سے آراستہ کرنے کے لیے شروع کیا گیا تھا، جس کے تحت 760 خواتین کو علیگڑھ کالج آف ٹیکنالوجی سمیت دیگر اداروں میں تربیت فراہم کی گئی
اس پر وقار تقریب میں چیئرپرسن NAVTTC محترمہ گلمینہ بلال نے بطور مہمانِ خصوصی شرکت کی، جبکہ ڈائریکٹر جنرل NAVTTC سندھ ڈاکٹر فدا بزئی مہمانِ اعزاز تھے۔
۔ گلمینہ بلال احمد نے اس موقع پر کہا، ” NAVTTC کا یہ اقدام خواتین کی خود مختاری، صنفی مساوات اور سماجی ترقی میں فعال کردار ادا کرنے کی صلاحیت کو بڑھا رہا ہے۔”
علیگڑھ کالج آف ٹیکنالوجی کے پرنسپل شاہد جمیل صاحب کا اس موقع پر کہنا تھا کہ علیگڑھ ہمیشہ سے خواتین کی خود مختاری اور مساوی حقوق کی علمبردار رہا ہے اور NAVTTC کا یہ پروگرام اسی سلسلے کی ایک کڑی ہے
فوکل پرسن علیگڑھ کالج آف ٹیکنالوجی انجینئر اکرام علی نے بتایا کہ علیگڑھ میں چند ماہ قبل اس پروگرام کا آغاز کیا گیا تھا جس میں فٹنس ٹریننگ اور ہوم اپلائنسز ریپئرنگ جیسے کورسز متعارف کروائے گئے تھے جنکی کامیاب تکمیل پر خواتین کو اسناد فراہم کی گئی ۔
میڈیا کوآرڈینیٹر AIT
