راولپنڈی
دس سال کی طویل مدت کے بعد کمرشل مارکیٹ کے انتخابات 13 فروری 2025 بروز جمعرات کو ہوں گے، جن کے لئے امیدواران نےچھبیس رکنی جنرل ایگزیکٹیو کونسل کی موجودگی میں کاغذات نامزدگی جمع کروائے۔کمرشل مارکیٹ کے انتخابات میں چودہ ممبران الیکشن کمیشن کے فرائض انجام دیں گے۔جس کی سربراہی چیئرمین الیکشن کمیشن جاوید احمد چوہدری کریں گے۔کاغذات نامزدگی کی جانچ پڑتال آج ہوگی۔جس کے بعد حتمی فہرست آویزاں کر دی جائے گی۔ ابھی تک انتخابات کے لئے دو صدارتی امیدوار سامنے آئے۔جن میں راجہ توحید احمد دوست تاجر گروپ سے اور ملک سہیل اختر اعوان ہمدور تاجر گروپ سے انتخابات میں حصہ لیں گے۔شہر بھر میں یہ انتخاب سب کی توجہ کے مرکز ہیں۔مارکیٹ میں انتخابات کی گہما گہمی عروج پر ہے۔اپنے اپنے امیدواروں کے سپورٹرز جلوس کی صورت میں آئے۔جن کی موجودگی ان کے نامزد امیدواران نے کاغذات نامزدگی جمع کروائے۔اس حوالے سے تاجر رہنما ممتاز احمد نے بتایا کہ جنرل ایگزیکٹیو کونسل انتخابات میں کامیاب ہونے والے گروپ کی بھرپور معاونت کرے گی ۔نئی قیادت کی رہنمائی کے لیے ہمہ وقت موجود ہوگی۔تاجر برادری اور کاروبار کی بہتری کے لئے تجاویز دی جائیں گی۔تاجروں کی پروٹیکشن کے لئے خصوصی کارڈز جاری کیے جائیں گے۔جن سے تاجروں کے عزت و وقار میں اضافہ ہوگا۔ان انتخابات میں کل ووٹرز کی تعداد 1700 ہے۔جو تیرہ فروری کو اپنے ووٹ کا حق استعمال کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
