راولپنڈی
“عوام پاکستان ،بدلیں گے نظام” کا سلوگن عوام میں مقبولیت اختیار کرنے لگا،عوام پاکستان پارٹی کی ممبر شپ مہم زور شور سے جاری ہے،جس کے تحت مرد و خواتین اور بالخصوص نوجوانوں کی کثیر تعداد پارٹی میں شمولیت اختیار کرنے لگی،پارٹی سیکریٹریٹ کے افتتاح کی تیاریاں اپنے عروج پر جا پہنچیں۔جہاں عوام کے مسائل بلاتفریق سنے جائیں گے۔
یہ گفتگو عوام پاکستان پارٹی میٹرو پولیٹن خواتین ونگ کی آرگنائزر ثمینہ شعیب اور مردانہ ونگ کے آرگنائزر سردار نزیر احمد کشمیری نے پبلک سیکریٹریٹ راولپنڈی میں پارٹی دفتر کے افتتاح اور ممبر سازی کے حوالے سے تنظیمی اجلاس کے دوران کہی۔اس موقع پر ان کے ہمراہ دولتانہ کوثر،رشیدہ بیگم،نادیہ اقبال،اظہر علی قادری اور سجاد حیدر موجود تھے۔ثمینہ شعیب نے کہا کہ مرد و خواتین کی کثیر تعداد عوام پاکستان پارٹی میں شمولیت اختیار کررہی ہے۔ قیادت عوام کی خدمت کرنے کے لیے پُرعزم ہے۔فوکل پرسنز ڈور ٹو ڈور جا کر عوام کو پارٹی منشور سے آگاہ کررہے ہیں۔وہ دن دور نہیں جب پارٹی کا سلوگن “عوام پاکستان ،بدلیں گے نظام ” عوام کے دلوں کی دھڑکن بن جائے گا۔نزیر احمد کشمیری نے کہا کہ عوام کی خدمت پارٹی کی اولین ترجیح ہے۔پارٹی دفتر کے افتتاح کی تیاریاں بھی عروج پر ہیں۔سب ورکرز بہت پرعزم ہیں۔ایک وقت آئے گا جب عوام پاکستان پارٹی ملک کی مقبول ترین جماعت بن کر سامنے آئے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
