Report Sabih Salik
سوشل میڈیا پر پاکستانی معروف، خوبرو اداکارہ ماہرہ خان کی اداکار وہاج علی کے ساتھ اسکرین شیئر کیے جانے سے متعلق خبریں زیرِ گردش ہیں۔
آئزہ خان، یمنا زیدی اور مایا علی جیسی ٹیلینٹڈ اداکاراؤں کے ساتھ کام کرنے والے ورسٹائل اداکار وہاج علی اب سپر اسٹار ماہرہ خان کے ساتھ ٹی وی اسکرین شیئر کریں گے۔
یاد رہے کہ اداکارہ ماہرہ خان کو آخری بار ڈرامہ سیریل ’ہم کہاں کے سچے تھے‘ میں دیکھا گیا تھا۔
ڈائریکٹر حسام حسین کی جانب سے کی گئی ایک پوسٹ کے مطابق اب اداکارہ ماہرہ خان کو ایک بار پھر چھوٹی اسکرین پر اداکار وہاج علی کے ساتھ رومانس لڑاتے ہوئے دیکھا جا سکے گا۔
سوشل میڈیا پر وائرل اس پوسٹ نے ماہرہ خان اور وہاج علی کے مداحوں کو خوش کر دیا ہے۔
ماہرہ خان اور وہاج علی کے آنے والے اس پروجیکٹ سے متعلق زیادہ تفصیلات شیئر نہیں کی گئی ہیں۔
