کراچی۔ سندھی ادبی سنگت کی کراچی برانچ کے انتخابات الیکشن کمیٹی کے اراکین مددعلی سندھی، محمد خان ابڑو اور رابطہ سیکریٹری کراچی راشد لکھمیر کی زیر نگرانی منعقد ہوئے، جس میں درج ذیل عہدیداران کا انتخاب کیا گیا۔ ان میں نثار ناز رک سیکرٹری، وحید محسن کونسلر، سارنگ جویو جوائنٹ سیکرٹری، عبدالواحد سومرو آڈیٹر، عبدالغفور کتری خزانچی، جبکہ مدد علی سندھی، پیر عبید راشدی، وحید سموں، پرویز وسطڑو، عبدالجلیل آگرو، آفاق بھٹی، صاحب خان بھنڈ، مرید جامڑو اور پیار علی لغاری بلا مقابلہ اراکین برائے کاروباری کمیٹی منتخب ہوئے۔اس موقع پر فروری کے آخری عشرے میں کراچی برانچ کی جانب سے سندھ کے عظیم شاعر شیخ ایاز کے فن،فکر اور شاعری پر ایک تقریب منعقد کرنے کا اعلان بھی کیا گیا۔ اجلاس میں پروفیسر بیدار جعفری کی وفات پر گھرے دکھ کا اظہار کرتے ہوئے دعائے مغفرت کی گئی۔
