شالامارہسپتال میں سٹیٹ آف دی آر ٹ ویمن ہیلتھ سنٹر کا افتتاح کر دیا گیا ،گیسٹ آف آنر امریکی قونصلیٹ جنرل کرسٹینا ہاکنز،رائل کالج گائنی لندن کی صدر رانی ٹھاکراور چیئرمین بورڈ آف ٹرسٹیز شاہد حسین نے ربن کاٹ کر ہیلتھ سنٹر کا افتتاح کیا۔جان ہاپکنز یونیورسٹی امریکہ کے تعاون سے تیار ہونے والے ویمن ہیلتھ سنٹر میں خواتین کو گائنی ،بریسٹ کینسر ،اوبیسٹی ،آسٹیو پورسس کے ساتھ خواتین کے تمام پیچیدہ امراض کی تشخیص اور ان کے مکمل علاج کی سہولیات ایک ہی چھت کے نیچے دستیاب ہو نگی۔ امریکی قونصلیٹ جنرل کرسٹینا ہاکنز کا کہنا تھا کہ خواتین کی صحت کے حوالے سے شالامار کے ساتھ جان ہاپکنز کا اشتراک ہے اور یہاں سے ڈاکٹرز وہاں ٹریننگ کیلئے بھی جاتے ہیں، مہمان خصوصی رانی ٹھاکر نے کہا کہ یہ ایک بہت بڑی کامیابی ہے اور خواتین کو ہر قسم کے امراض کا علاج اور تشخیص ایک ہی جگہ پر دستیاب ہو گا ،ویمن ہیلتھ سنٹر کی انچارج ڈاکٹر نازلی حمید نے شرکا کو ہیلتھ سنٹر میں دستیاب سہولیات اور یہاں طریقہ علاج پر بریفنگ دی ۔تقریب میں شالامار ہسپتال کے ٹرسٹیز، ۔پرنسپل شالامار میڈیکل اینڈ ڈینٹل کالج پروفیسر زاہد بشیر،چیف آ پریٹنگ آفیسر شالامارہسپتال ڈاکٹر عائشہ نعمان،کالج کے فیکلٹی ممبران اور ہسپتال کے سینئر ڈاکٹرز نے شرکت کی ۔اس موقع پر گفتگو کرتے ہوئے چیئر مین شاہد حسین کا کہنا تھا کہ شالامار ہسپتال پچھلی چار دہائیوں سے صحت کے شعبے میں خدمات انجام دینے کے ساتھ عالمی معیار کے ڈاکٹرز ،نرسز اور ہیلتھ پروفیشنلز تیار کر رہا ہےاورویمن ہیلتھ سنٹر کو تمام جدید سہولیات سے آراستہ کیا گیا ہے ۔
