ٹھٹھہ(رپورٹ: علی گوہر قمبرانی) ایس ایس پی ٹھٹہ کا ضلع بھر کے تمام پولیس افسران کے ساتھ ایس ایس پی آفس ٹھٹہ میں میٹنگ کا انعقاد، ایس ایس پی ٹھٹہ ڈاکٹر محمد عمران خان نے تمام ایس ڈی پی اوز، ایس ایچ اوز، انچارج سی آئی اے ٹھٹہ، انچارجز پولیس پوسٹز اور ہیڈ آف برانچ کے ساتھ ایس ایس پی آفس ٹھٹہ میں اہم میٹنگ کا انعقاد کیا گیا۔ ایس ایس پی ٹھٹہ نے تمام افسران کو ہدایت جاری کی کہ آئی جی سندھ غلام نبی میمن اور ڈی آئی جی حیدرآباد رینج طارق رزاق دھاریجو کے احکامات کی روشنی میں تمام پینڈنگ مرڈر، ڈکیتی رابری، موٹرسائیکل چوری اورسنیچنگ میں ملوث ملزمان کی گرفتاری اور مسروقہ کیس پراپرٹی ریکوری، روپوش و اشتہاری ملزمان کی گرفتاری بلخصوص مرڈر کے کیسز میں اشتہاری و دیگر سنگین جرائم ملوث روپوش و اشتہاری ملزمان کی گرفتاری کی یقینی بنایا جائے۔ اس کے علاؤہ آئی جی سندھ کے احکامات پر ٹریفک قوانین پر عملدرآمد کے حوالے سے مہم میں قوانین کے خلاف ورزی کرنے، بغیر لائسنس یافتہ ڈرائیورز سمیت بغیر ہیلمٹ موٹر سائیکل و گاڑیاں چلانے والوں کے خلاف سخت کارروائیاں کریں۔آئی جی سندھ کی جانب سے موصول ہونے والی انفارمیشن رپورٹس اور اس حوالے سے کی گئی قانونی کارروائیاں کو مزید تیز کرنے کی ہدایات پر عملدرآمد کرنے، منشیات فروش ملزمان اور ایکٹو کرمنلز کی گرفتاری کو یقینی بنائیں۔ تمام زیر تفتیش کیسز کی تفتیش کو میرٹ پر مکمل کرکے ان کی فائنل رپورٹ کورٹ میں بوقت جمع کروائیں۔ تمام کیس فائلز کو PSRMS سوفٹویئر
میں اپلوڈ کرائیں، A کلاس کیسز کو جلداز جلد ٹریس آؤٹ اور ملوث ملزمان کو گرفتار کر کے کیس پراپرٹی ریکور کریں۔ ایس ایس پی ٹھٹہ نے افسران کو ہدایات جاری کرتے ہوئے کہا کہ جرائم پیشہ افراد کے خلاف نتیجہ خیز کارروائیوں کے ساتھ تفتیشی امور کو مزید موثر بنایا جائے اور تمام ڈی ایس پیز، ایس ایچ اوز اور انچارج پولیس پوسٹز اپنی پیشہ ورانہ مہارت، حاصل کی گئی تربیت اور تجربے کی بدولت مقدمات کومنطقی انجام تک پہچائیں اور متعلقہ عدالتوں سے ملوث ملزمان کو مثالی سزائیں دلوائیں۔ ایس ایس پی ٹھٹہ نے سختی سے ہدایات جاری کرتے ہوئے کہا کہ منشیات و گٹکا کے خلاف کارروائیاں تیز کی جائیں اور کسی بھی افسر یا پولیس اہلکار کو ملوث پایا گیا تو اس کے خلاف سخت محکمانہ کارروائی عمل میں لائی جائیگی۔ تمام ایس یچ اوز اپنے تھانے کی حدود میں چوری شدہ سامان خریدنے والے اسکریپ ڈیلرز کے خلاف کارروائیاں کریں اس کے علاؤہ شوروم مالکان کی تفصیلات لیں اور موٹر سائکلز خرید و فروخت کرنے والے لوگوں کی تفصیلات روزانہ کی بنیاد پر تھانے پر مہیا کرنے کے حوالے سے نوٹس جاری کریں۔ تمام ایس ایچ اوز تھانے کے اخراجات اور گاڑیوں کی مینٹیننس کے حوالے سے جاری کیے گئے فنڈز کو اپنی نگرانی میں خرچ کرینگے اور انکا ریکارڈ اپنے پاس محفوظ رکھیں۔ اس کے علاؤہ اپنے تھانے کا ریکارڈ چیک کرینگے اور مینٹیننس ڈے کے حوالے سے تھانے کی صفائی ستھرائی رکھیں گے۔ دوران پیٹرولنگ اور چیکنگ تمام موبائل وہیکل پر پڑھے لکھے پولیس اہلکاران کو تعینات کیا جائے۔ تمام ایس ایچ اوز روزانہ کی بنیاد پر اپنے تھانے کی حدود میں وقتاً بہ وقتاً سنیپ چیکنگ کرینگے دوران سنیپ چیکنگ عوام سے خوش اخلاقی سے پیش آئیں۔
