علیگڑھ انسٹیٹیوٹ کے طلبہ کی یوتھ پارلیمنٹ کے اُفق پر جگمگانے لگے
کراچی کے میریٹ ہوٹل میں منعقد ہونے والی قائداعظم لیڈرشپ سمٹ ایک یادگار اور بامقصد تقریب ثابت ہوئی، جہاں علیگڑھ انسٹیٹیوٹ آف ٹیکنالوجی کے دو باصلاحیت طلبہ کو یوتھ پارلیمنٹ کے رکن منتخب ہونے کا اعزاز حاصل ہوا۔ اس کانفرنس میں مہمانِ خصوصی چیئرمین سینیٹ یوسف رضا گیلانی، وزیر محنت سندھ، اور وزیر تعلیم سمیت کئی معزز شخصیات نے شرکت کی۔
کانفرنس کا انعقاد یوتھ پارلیمنٹ کے اراکین نے کیا، جس کا مقصد نوجوانوں میں قائدانہ صلاحیتوں کو پروان چڑھانا تھا۔ علیگڑھ انسٹیٹیوٹ کے طلبہ اور شعبہ گائیڈنس سینٹر کے اراکین نے بھرپور شرکت کرکے اپنی صلاحیتوں کا مظاہرہ کیا۔
کانفرنس کے دوران نوجوان قیادت، ملک کی ترقی میں ان کے کردار، اور قیادت کے اصولوں پر مباحثے اور سیشنز منعقد ہوئے۔ طلبہ نے ان مباحثوں میں شاندار کارکردگی دکھائی اور حاضرین کی توجہ حاصل کی۔
تقریب کے اختتام پر اعلان کیا گیا کہ علیگڑھ انسٹیٹیوٹ کے دو طلبہ یوتھ پارلیمنٹ کے رکن منتخب ہوئے ہیں، جو ادارے کے لیے باعثِ فخر ہے۔ طلبہ نے کہا کہ یہ کانفرنس ان کی صلاحیتوں کو نکھارنے اور مستقبل کے لیے راہیں متعین کرنے کا بہترین موقع فراہم کرتی ہے۔
میڈیا کوآرڈینیٹر AIT
