راولپنڈی
آل پاکستان پرائیویٹ سکولز مینجمنٹ ایسوسی ایشن شمالی پنجاب کے صدر ابرار احمد خان نے کہا کہ سید عادل شاہ فیڈرل تعلیمی بورڈ میں ممبر برائے بورڈز آف گورنرز کالج کی نشست کے لیے نہایت موزوں اور مضبوط امیدوار ہیں۔ جوائنٹ ایکشن کمیٹی میں شامل تمام ایسوسی ایشنز نے بھر پور حمایت کا اعلان کردیا۔ کامیاب ہو کر نجی تعلیمی شعبہ کے مسائل حل کرنے میں اپنا کلیدی کردار ادا کریں گے۔
ان خیالات کا اظہار انھوں نے آل پاکستان پرائیویٹ سکولز مینجمنٹ ایسوسی ایشن کے مرکزی سینئر نائب صدر محمد فرقان چوہدری ،ممبر بورڈز آف گورنرز فیڈرل تعلیمی بورڈ اور صدر ایپسما راولپنڈی ڈویژن برائے خواتین مسز سکینہ تاج ، کرنل ر مرتضی علی شاہ، کرنل ر فواد حنیف ، عامر انور، ابرار احمد ایڈووکیٹ ، ابرار الحق شاکر و دیگر کے ہمراہ ایپسما کے زیرِ اہتمام منعقدہ تقسیم سرٹیفکیٹ کی تقریب سے کیا۔ تقریب میں ایپسما ممبران کے مرد و خواتین پرنسپلز نے کثیر تعداد میں شرکت کی۔ جن میں آغا شھاب مقصود ، عبدالرشید اعوان، سید عادل شاہ ، حافظ محمد یاسین ، کامران سیف قریشی ، ڈاکٹر اعجاز ، راجہ نعمان قمر، عدنان نثار ، شاہد یوسف، عبید الرحمن ہزاروی ، راجہ وسیم سیفی ، نعیم اکبر، شیخ ندیم، راجہ آصف محمود ، حسن جاوید، مسز یاسمین، مسز عزرا، مسز شفیق، محمد ریحان ، ڈاکٹر نجف، آصف قریشی ، لبنی رشید، محمد شھباز ایڈووکیٹ ،راجہ ثناء اللہ ، قاضی ضیاء، قاضی نوید و دیگر شامل تھے۔ محمد فرقان چوہدری نے کہا کہ ایپسما ملک بھر کے نجی تعلیمی اداروں کی سب سے بڑی اور پرانی تنظیم ہے۔ صدر شمالی پنجاب ابرار احمد خان کی نجی تعلیمی اداروں کے لیے خدمات قابل تعریف ہیں۔ عرصہ دراز سے ایپسما سے وابستہ ممبران ہمارا قیمتی اثاثہ ہیں۔ بطور ممبر بورڈز آف گورنرز فیڈرل تعلیمی بورڈ اور صدر ایپسما خواتین ونگ راولپنڈی ڈویژن مسز سکینہ تاج کی تعلیمی شعبہ کے لیے خدمات مثالی ہیں۔ اب ایپسما چکلالہ کینٹ بورڈ راولپنڈی کے صدر سید عادل شاہ فیڈرل تعلیمی بورڈ میں کالج کی سیٹ کے لیے ممبر بورڈز آف گورنرز کے الیکشن میں حصہ لے رہے ہیں۔ عادل شاہ کو پاکستان بھر کے علمی حلقوں کی حمایت حاصل ہے ۔ صدر شمالی پنجاب ابرار احمد خان اور مسز سکینہ تاج نے کہا کہ نجی تعلیمی اداروں کی فلاح و بہبود اور فروغ تعلیم کے حو الے سے کردار کو فراموش نہیں کیا جاسکتا ۔ انھوں نے کہا کہ جوائنٹ ایکشن کمیٹی میں شامل تمام ایسوسی ایشنز نے عادل شاہ کی غیر مشروط حمایت کا اعلان کیا ہے جس پر ہم ان کے شکر گزار ہیں ۔ تقریب میں شامل تمام ممبران کو سرٹیفکیٹس سے نوازا گیا اور ایپسما سے وابستہ ممبران کے پیاروں کے انتقال پر دعائے مغفرت کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
