5 جنوری 2025
راولپنڈی
ریسٹورنٹس کیٹرز سویٹس اینڈ بیکرز ایسوسی ایشن کی ماہانہ کور کمیٹی میٹنگ زیر صدارت محمد فاروق چوہدری ہوئی، میٹنگ کا باقاعدہ آغاز تلاوت قرآن مجید سے کیا گیا، میٹنگ کی میزبانی کے فرائض چیئرمین ممتاز احمد نے سرانجام دئیے، ابتدائی خطاب میں چیئرمین ممتاز احمد نے تمام معزز ممبران کو خوش آمدید کہا اس موقع پر ابتدائی خطاب میں انہوں نے ایسوسی ایشن کی کامیابیوں اور آئندہ کے لائحہ عمل سے کور کمیٹی ممبران کو آگاہ کیا، صدارتی خطاب میں صدر ایسوسی ایشن محمد فاروق چوہدری نے فوڈ سیکٹر کو درپیش حالیہ مسائل پر تفصیلاً گفتگو کی اور ان کے حل کےلیے اقدامات سے آگاہ کیا، اس موقع پر ان کا پنجاب فوڈ اتھارٹی سے متعلقہ مسائل پر گفتگو کرتے ہوئے کہنا تھا کہ لائسنس کیٹگری کو بنیاد بنا کر پنجاب فوڈ اتھارٹی کی جانب سے بھاری جرمانے عائد کرنا کسی صورت قابل قبول نہیں، اس کےلیے ہمیں بروقت اقدامات کرنے پڑیں گے، ان کا مزید کہنا تھا کہ لائسنس کے لئے محکمہ صحت، ٹورزم ڈیپارٹمنٹ اور ایک نجی الیکٹرک کمپنی ساڑھے بارہ ہزار روپے کا تقاضہ کرکے بلڈنگ کی بجلی چیک کرنے کے نام پہ سادہ لوح لوگوں کو لوٹ رہی جس کا قلع قمع بھی ضروری ہے، اس کے علاوہ ضلعی انتظامیہ اور میڈیکل کے نام پہ محکمہ صحت کی فوڈ پوائنٹس کی چیکنگ بھی سمجھ سے بالا تر ہے جس کےلیے اقدامات ضروری ہیں، پروفیشنل ٹیکس کے نام پہ بھی لوٹ مار جاری ہے جس کی ایک سال کی فیس صرف 5 ہزار روپے ہے، علاوہ ازیں انہوں نے سنگل یوز پلاسٹک پر پابندی کے حوالے سے گفتگو کرتے ہوئے کہا ہے کہ محکمہ ماحولیات کی جانب سے کنزیومر کے لائسنس بنانے کے عمل کو یکسر مسترد کرتے ہیں اس معاملے کو اعلیٰ سطح پر اٹھائیں گے، سوئی گیس کی قیمتوں کے حوالے سے ان کا کہنا تھا کہ 8 نومبر 2023ء میں گیس ٹیرف بڑھایا گیا ہے تھا ابھی سال 2025 کےلیے گیس کی قیمت 28 فیصد مزید بڑھائی جائیں گی، جس میں ہمیں یقین دہانی کروائی گئی ہے کہ فوڈ سیکٹر کےلیے گیس کی قیمت نہیں بڑھائی جائے گی، اگر قیمت بڑھائی گئی تو ہم احتجاج کےلیے سڑکوں پر نکلیں گے، اس موقع پر سینئر نائب صدر چوہدری ظفر انور کا کہنا تھا کہ ہم سب کو دکانوں کی سیلنگ کیخلاف ٹھوس اقدامات کرنے کی ضرورت ہے، ہم تاجر ہیں ٹیکسز ادا کرتے ہیں کوئی بھی دکان سیل کرنا ہمارے بنیادی حقوق سلب کرنے کے مترادف ہے، علاوہ ازیں سینئر نائب صدر ملک فضل الرحمان، سینئر نائب صدر چوہدری زاہد محمود، سینئر نائب صدر چوہدری امتیاز احمد، نائب صدر سید ارشد فاروق، ڈپٹی جنرل سیکرٹری ہاشم اعجاز بٹ، نائب صدر چوہدری شہزاد اقبال، نائب صدر حذیفہ عنصر، نائب صدر سردار سلیم شیر زمان سمیت دیگر کور کمیٹی ممبران نے بھی فوڈ سیکٹر کو درپیش مسائل کے حل کےلیے تجاویز پیش کیں اور مسائل کے حل کےلیے ایسوسی ایشن کی کاوشوں کو سراہا ہے، میٹنگ کے آخر میں چیئرمین ممتاز احمد کی جانب سے ایسوسی ایشن کی کامیابی اور ملک پاکستان کی ترقی و خوشحالی کےلیے خصوصی دعا کروائی گئی اور آخر میں معزز ممبران کی لذیز کھانوں سے خاطر تواضع کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
