صوبائی وزیر پرائمری اینڈ سیکنڈری ہیلتھ کیئر خواجہ عمران نذیر نے ایم پی اے شعیب صدیقی کے ہمراہ بھوگیوال روڈ پر اربن ڈسپنسری کا افتتاح کیا۔خواجہ عمران نذیر نے ڈسپنسری کا افتتاح چیرمین یونین کونسل عبد الغفار چوہدری کی بیٹی فلاح غفار سے کروایا۔صوبائی وزیر صحت نے فارمیسی، لیبر روم ایکسرے روم، الٹراساؤنڈ مشین کا معائنہ کیا۔سی ای او ہیلتھ ڈاکٹر زوہیب نے ڈسپنسری کی ریویمپنگ پر تفصیلی بریفنگ دی۔افتتاح کے موقع پر پرانی و نئی بلڈنگ اور طبی سہولیات پر ایک ڈاکومنٹری بھی دکھائی گئی۔صوبائی وزیر صحت خواجہ عمران نذیر کی میڈیا سے گفتگو کرتے ہوئے کہا ہے کہ انسانیت کی خدمت سے نئے سال کا آغاز کیا جارہا ہے۔بھوگیوال ڈسپنسری کی ریویمپنگ تین ماہ کے مختصر عرصہ میں مکمل کی گئی یے۔وزیر اعلی کے ویژن کے تحت تمام اربن ڈسپنسریوں کی ریویمپنگ اس سال مکمل کرلی جائے گی۔ وزیر صحت کا کہنا ہے کہ لاہور میں جنوبی ایشیا کا سب سے بڑا اور سٹیٹ آف دی آرٹ کینسر ہسپتال 82 ارب روپے کی لاگت سے تیزی سے تکمیل کی طرف گامزن ہے۔اسی طرح پی آئی سی-2 جناح ہسپتال لاہور میں، سرگودھا میں کارڈیک سنٹر قائم کیا جارہا ہے۔ خواجہ عمران نذیر نے کہا کہ ہیلتھ فیسلیٹیز میں نئی ڈائیلسز مشینیں فراہم کی جارہی ہیں۔انہوں نے کہا کہ ہمارے گزشتہ دور میں 3500 ڈاکٹرز جبکہ موجودہ دور میں اب تک 1500 ڈاکٹرز بھرتی کئے گئے ہیں۔31 دسمبر تک 600 کے قریب ہیلتھ فیسلیٹیز کی ریویمپنگ مکمل ہو چکی ہے۔خواجہ عمران نذیر نے کہا کہ 150 بنیادی مراکز صحت کی ریویمپنگ کرکے مریم نواز ہیلتھ کلینک قائم کئے جارہے ہیں۔صوبائی وزیر صحت نے واضح کیا کہ کسی ڈاکٹر، نرس، سٹاف کو بے روزگار نہیں جائے گا۔انہیں نزدیکی ہیلتھ فیسلیٹیز پر تعینات کیا جائے گا۔انہوں نے کہا کہ مریم نواز ہیلتھ کلینک سے مقامی سطح پر ہیلتھ سسٹم اپگریڈ ہوگا۔اس موقع پر علاقہ کے کثیر افراد نے مریم نواز، نوازشریف، شہباز شریف اور خواجہ عمران نذیر کے حق میں نعرے لگائے۔انکا شکریہ ادا کیا اور پھولوں کی پتیاں نچھاور کیں۔
=======================
وزیر اعلی مریم نواز شریف کی خصوصی ہدایت پر محکمہ پرائمری اینڈ سیکنڈری ہیلتھ کیئر میں منسٹر کمپلینٹ سیل کا باقاعدہ افتتاح کردیا گیا۔صوبائی وزیر صحت خواجہ عمران نذیر نے سیکرٹری صحت نادیہ ثاقب کے ہمراہ شکایت سیل کا افتتاح کیا۔میڈیا سے گفتگو کرتے ہوئے صوبائی وزیر صحت خواجہ عمران نذیر نے کہا ہے کہ ڈی ایچ کیو، ٹی ایچ کیو ہسپتالوں اور سی اوز ہیلتھ دفاتر میں نمایاں جگہوں پر شکایت سیل کے رابطہ نمبر پر مشتمل بینرز آویزاں کردیے گئے ہیں۔منسٹر کمپلینٹ سیل کے ٹال فری نمبر 8609489-0332 پر شہری شکایت درج کرا سکیں گے۔شکایت فوری پر متعلقہ ضلع کے افسر کو بھجوا کر 24 سے 48 گھنٹے میں مسئلے کا حل یقینی بنایا جائے گا۔خواجہ عمران نذیر کا کہنا ہے کہ فیلڈ ہسپتال، کلینک آن ویلز اور گھروں پر ادویات کی فراہمی کا سفر شروع کر دیا گیا ہے۔65 لاکھ کے قریب لوگوں کو ان کے گھروں پر ادویات اور علاج معالجہ کی سہولیات فراہم کر چکے ہیں۔استفادہ کرنے والوں میں زیادہ تعداد ان افراد کی ہے جنہوں نے آج تک اپنا میڈیکل چیک اپ ہی نہیں کروایا۔انہوں نے کہا کہ
انسولین فراہمی کا کام شروع کر دیا گیا ہے، ڈائلاسز کارڈ بھی فراہم کئے جارہے ہیں۔بنیادی مراکز صحت کو فل کپیسٹی پر چلانے کا کام شروع کر دیا ہے۔ وزیر صحت پنجاب نے کہا کہ 150 بنیادی ہیلتھ مراکز کو آؤٹ سورس کرکے مریم نواز ہیلتھ کلینک قائم کئے جارہے ہیں جہاں پروفیشنل ڈاکٹرز کے ذریعے لوگوں کو علاج معالجہ کی سہولت فراہم کی جاسکے گی۔ خواجہ عمران نذیر نے ادویات کی خریداری کے حوالہ سے کہا کہ کرپشن روکنے کے لئے غیر ضروری لوکل پرچیز سے کروڑوں روپے کے اخراجات بچائے گئے ہیں۔خواجہ عمران نذیر نے کہا کہ 1500 سے زائد ڈاکٹرز پبلک سروس کمیشن کے ذریعے بھرتی کئے جارہے ہیں۔جنوری کے آخر تک کوئی ایسا ہسپتال نہیں ہو گا جہاں ڈاکٹر میسر نہ ہو۔انہوں نے کہا کہ ڈکٹرز خود مختار کرنا اور ہیلتھ سسٹم کی اپگریڈیش میری اولین ترجیح یے۔مریم نواز ہیلتھ کلینک کے لئے مقامی ڈاکٹرز کو ترجیح دیں گے۔صوبائی وزیر صحت نے کہا کہ سرکاری ہسپتالوں سے اربوں روپے کی چوری کے نیٹ ورک پر سخت ہاتھ ڈالا گیا ہے۔دوائی چوروں کے ساتھ بالکل بے رحم ہوں گے، کوئی رعایت نہیں برتی جائے گی۔اس موقع پر سیکرٹری صحت نادیہ ثاقب نے کہا کہ 589 کنسلٹنٹ بھرتی کے لئے پنجاب پبلک سروس کمیشن کو ریکوزیشن بھجوادی گئی۔انہوں نے کہا سرکاری ہسپتالوں میں گزشتہ 10 سالوں سے الائیڈ ہیلتھ پروفیشنلز بھرتی نہیں ہوئے۔اب ماہر اور تربیت یافتہ ٹیکنیشنز بھرتی کر رہے ہیں، نادیہ ثاقب نے واضح کی کی مراکز صحت میں تعینات ڈاکٹرز، عملہ بے روزگار نہیں کیا جائے گا انہیں نزدیکی ہسپتال میں تعینات کریں گے۔سیکرٹری صحت نے کہا کہ غیر ضروری آسامیاں ختم کریں گے، صرف پروفیشنل، تکنیکی، تربیت یافتہ عملہ بھرتی کیا جائے گا۔اس موقع پر سپیشل سیکرٹری آپریشن عون عباس بخاری، ڈی جی ڈرگ کنٹرول محمد سہیل، ایڈیشنل سیکرٹری ڈاکٹر قلندر خان، چیف ڈرگ کنٹرولر اظہر جمال سلیمی اور ڈاکٹر شاہجہان بھی موجود تھے۔
========================
یونیورسٹی آف ویٹرنری اینڈاینیمل سائنسز لا ہو ر اور لاہور پولو کلب کے درمیان گھو ڑوں کے علاج ا ور ان میں پا ئی جانے والی بیماریو ں کی تشخیص اور یونیورسٹی کے طلبہ کی انٹرن شپس سے متعلقہ اشتراک قائم کرنے کے لیئے مفاہمتی یاداشت کا معا ہد ہ طے پا یا۔ یاداشت پر دستخط ویٹر نری یونیورسٹی سے وائس چانسلر میری ٹوریئس پروفیسر ڈاکٹر محمد یونس (تمغہ امتیاز)اور ڈین فیکلٹی آف ویٹر نری سائنس پروفیسر ڈاکٹر انیلہ ضمیر درا نی نے جبکہ صدر لاہور پولو کلب مسٹر اعظم نون نے منعقدہ تقریب میں کیئے جبکہ دیگر اہم شخصیات میں پروفیسر ڈاکٹر عا صم اسلم کے علا وہ یونیورسٹی کے سینئر فیکلٹی ممبران اور پولو کلب سے آفیشلز کی کثیر تعداد نے شرکت کی۔
تقریب سے خطاب کرتے ہو ئے پروفیسر ڈاکٹر محمد یونس نے کہا کہ ویٹر نری یونیورسٹی پولو کلب کے جانوروں کے علاج معالجے سے متعلقہ ویٹر نری اور بیماریوں کی تشخیصی سرسز دینے کے لیئے ہمہ وقت امادہ ہے۔ پروفیسرڈاکٹر انیلہ ضمیر درا نی نے کہا کہ یہ معاہدہ دونوں اداروں کے لیئے بڑا خوش آئند ثابت ہو گا با لخصو ص طلبہ کو انٹرن شپس کے تحت بیمار اور زخمی گھو ڑوں کے علاج معالجے سے متعلقہ عملی تربیت سیکھنے کا مو قع بھی ملے گا۔
مفاہمتی یاداشت کے تحت مستقبل میں ویٹر نری یونیورسٹی لاہور پولو کلب کو گھو ڑو ں کے علاج معالجے کے لیئے ویٹر نری اور ان میں پا ئی جانے والی بیماریو ں کی تشخیص سے متعلقہ خون کے دیگر ٹیسٹ کی سروسز مہیا کرے گی نیز ویٹر نری ڈاکٹر اصطبل کی صفا ئی ستھرائی، بیمار اور زخمی گھو ڑو ں کے علاج کے لیئے کلب کا دوہ کیا کریں گے۔لاہور پولو کلب ویٹر نری یونیورسٹی کے طلبہ میں فیلڈ سے متعلقہ عملی مہارتو ں کو اُ جا گر کرنے کے لیئے انٹرن شپس اور پوسٹ گریجویٹ طلبہ کو تحقیق کرنے کے مواقع فراہم کرے گا۔
بعد ازیں یونیورسٹی آف ویٹرنری اینڈاینیمل سائنسز لا ہو رکا تعلیم و تحقیق میں اشتراک قائم کرنے کے لیئے ٹینگ چا ئنیز ایجوکیشن اینڈ ٹیکنا لوجی لیمیٹڈ کے ساتھ بھی مفا ہمتی یا داشت کا معاہدہ طے پا یا۔
=========================
لاہورکےعلاقے جوہرٹاون میں سرکاری اسکول کی ہیڈمسٹرس نے پنشن ریکارڈ کی ویریفکیشن کیلئے پانچ قیمتی سوٹ مانگ لیے,شہری نے خفیہ ریکارڈنگ کےساتھ اینٹی کرپشن میں درخواست دے دی،جبکہ
شہری نے خفیہ ریکارڈنگ کے ساتھ اینٹی کرپشن میں درخواست دے دی۔تفصیلات کے مطابق شہری ریحان بشیر نے
والدہ کےپنشن ریکارڈکی توثیق کیلئےگرلزہائی اسکول سمسانی کھوئی جوہرٹاون کی ہیڈمسٹرس کو درخواست دی جس پر عملے نے بتایا کہ ہیڈ مسٹرس پانچ سوٹوں کا مطالبہ کر رہی ہیں۔درخواست کے متن کے مطابق ہیڈ مسٹرس ارم نےتین سوٹ لےکر نامکمل فائل پر دستخط کیے اور کئی چکر لگوائے۔جبکہ اینٹی کرپشن کے طلب کرنے پر ہیڈمسٹرس اور عملہ پیش نہ ہوا جس پر اینٹی کرپشن نے سی ای او ایجوکیشن لاہور کو طلب کرلیا۔
