قوم بانی پاکستان قائداعظم محمد علی جناح کو ان کی دانشمندی ،حکمت عملی اور قربانیوں پر سلام پیش کرتی ہے۔پاکستان کی بقاء و سالمیت قائد کے افکار میں پوشیدہ ہے۔جن پر عمل در آمد کرکے پاکستان کو بین الاقومی سطح پر نمایاں مقام دلوائیں گے۔

راولپنڈی

صدر مرکزی انجمن تاجران لیاقت روڈ راولپنڈی شیخ عبد الوحید نے کہا کہ قوم بانی پاکستان قائداعظم محمد علی جناح کو ان کی دانشمندی ،حکمت عملی اور قربانیوں پر سلام پیش کرتی ہے۔پاکستان کی بقاء و سالمیت قائد کے افکار میں پوشیدہ ہے۔جن پر عمل در آمد کرکے پاکستان کو بین الاقومی سطح پر نمایاں مقام دلوائیں گے۔

صدر مرکزی انجمن تاجران لیاقت روڈ راولپنڈی شیخ عبد الوحید نے یہ بات یوم قائد سے متعلق راولپنڈی آرٹس کونسل میں منعقدہ تقریب سے خطاب کے دوران کہی ۔ انھوں نے شرکاء کو مخاطب کرتے ہوئے کہا کہ پاکستان ایک آزاد و خودمختار مسلم ریاست ہے،جسے قائد اعظم کے افکار پر گامزن کرنا ہوگا۔امریکہ سمیت کسی کی بھی بے جا مداخلت منظور نہیں۔شیخ عبد الوحید نے کہا کہ ہم پہلے ہی مشرقی پاکستان کی جدائی بھلا نہیں پائے۔ پاکستان کی آزادی کے لیے آباؤ اجداد کی دی گئی قربانیاں تاریخ کے اوراق پر نقش ہیں۔افواج پاکستان آج بھی دہشتگردی کے خاتمے کے لیے برسر پیکار ہے۔ہمارے پاک فوج کے جوان آج بھی جانوں کی قربانی دے کر پاکستان کی سالمیت برقرار رکھے ہوئے ہیں ۔ شیخ عبد الوحید نے کہا کہ ذوالفقار علی بھٹو شہید نے پاکستان کو ایٹمی قوت بنایا۔میاں محمد نواز شریف نے اپنے دور حکومت میں جوہری تجربات کر کے پیغام دیا کہ پاکستان کی جانب میلی آنکھ سے دیکھنے کی کوئی جرات نہ کرے ،ورنہ جواب ہمیں بھی دینا آتا ہے۔ایٹمی طاقت بنانے والے محسن پاکستان کو بھی خراج تحسین پیش کرنا چاہئے ۔ان کا مزید کہنا تھا کہ جو نئی حکومت آتی ہے ،اسے کام نہیں کرنے دیا جاتا۔پاکستان کی ترقی کے لیے مستقل حکومت اور جامع پالیسیوں کے تسلسل کو قائم رکھنے اور جاری رکھنے کی ضرورت ہے۔ہم سب کو مل کر حکومت کا ساتھ دینا ہوگا۔پاکستان زندہ باد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔