ٹھٹھہ (رپورٹ علی گوہر قمبرانی)
ایس ایس پی ٹھٹہ ڈاکٹر محمد عمران خان کی جانب سے پولیس ہیڈکوارٹر ٹھٹہ میں حکومت سندھ اور آئی جی پی سندھ غلام نبی میمن کی جانب سے شروع کی گئے سندھ پولیس Health Care Program کی آگاہی کے حوالے سے پولیس دربار کا انعقاد کیا گیا۔
آئی جی پی سندھ غلام نبی میمن اور ڈی آئی جی حیدرآباد رینج طارق رزاق دہاریجو کی ہدایات پر ایس ایس پی ٹھٹہ ڈاکٹر محمد عمران خان کی جانب سے پولیس ہیڈ کوارٹر ٹھٹہ میں حکومت سندھ اور آئی جی پی سندھ کی جانب سے سندھ پولیس کی ویلفیئر کے حوالے سے اسٹیٹ لائف کے اشتراک سے جاری کردہ خصوصی ہیلتھ کیئر پالیسی کی آگاہی کے لئے پولیس دربار کا انعقاد کیا گیا۔ جس میں ضلع بھر سے پولیس افسران اور جوانوں کو مدعو کیا گیا۔
اس دربار کا مقصد ہیلتھ پالیسی کے تحت ہیلتھ کارڈ اسکیم کے حوالے سے آگاہی فراہم کرنا تھا۔
ایس ایس پی ٹھٹہ ڈاکٹر محمد عمران خان نے ہیلتھ کارڈ کے استعمال، اس کی ایپلیکیشن کے طریقہ کار، اور اس سے حاصل ہونے والے فوائد کے بارے میں افسران و اہلکاران کو تفصیلی بریفنگ دی۔ انہوں نے اس موقع پر حاضر سروس پولیس افسران کو یقین دلایا کہ ان کی صحت و بہبود محکمہ پولیس کی اولین ترجیح ہے۔
اجلاس کے دوران شرکاء کو ایپلیکیشن کے عملی مظاہرے کے ذریعے اس کے استعمال کے بارے میں رہنمائی فراہم کی گئی تاکہ وہ خود بھی اس سہولت سے بھرپور فائدہ اٹھا سکیں۔
ایس ایس پی ٹھٹہ نے کہا کہ ہیلتھ کارڈ اسکیم سندھ حکومت کی جانب سے اور آئی جی پی سندھ غلام نبی میمن کی خصوصی کاوشوں سے پولیس افسران اور ان کے خاندانوں کے لیے ایک اہم سہولت ہے جو ان کی صحت کی ضروریات کو پورا کرنے میں معاون ثابت ہوگی۔
