àوزیرا علیٰ پنجاب مریم نواز شریف کی عوام دوست پالیسی کے مطابق لاہور جنرل ہسپتال میں مریضوں اور ملازمین کے مسائل کے تدارک کے لئے کھلی کچہری کا باقاعدہ انعقاد کیا گیا جس میں پرنسپل پوسٹ گریجویٹ میڈیکل انسٹی ٹیوٹ و امیر الدین میڈیکل کالج پروفیسر ڈاکٹر محمد الفرید ظفر نے بذات خود شکایات سنیں اور موقع پر احکامات جاری کیے ۔ تفصیلات کے مطابق کھلی کچہری کے پہلے روز پرنسپل کو7شکایات موصول ہوئیں جن میں سے2کو موقع پر حل کر دیا گیا جبکہ 5شکایات کی مکمل جانچ پڑتال کرنے کی ہدایت دی ۔ کھلی کچہری میں پہلی شکایت ہسپتال ملازم غلام رشید نے کو ارٹر الاٹمنٹ ہونے کے باوجود قبضہ نہ ملنے کے خلاف درج کروائی جس پر پرنسپل پروفیسر الفرید ظفر نے دو دن میں ہاؤسنگ کمیٹی کو رپورٹ پیش کرنے کی ہدایت کی ۔یہ امر قابل ذکر ہے کہ کھلی کچہری میں ہسپتال میں دی جانے والی علاج معالجے کی سہولیات کے حوالے سے کوئی شکایت موصول نہیں ہوئی ۔ اس موقع پر کھلی کچہری کے کو آرڈینیٹر ڈاکٹر یحیٰ سلطان بھی موجود تھے ۔
سربراہ جنرل ہسپتال پروفیسر الفرید ظفر نے دفتری امور میں تاخیر پر ملازمین کی شکایات کا سخت نوٹس لیتے ہوئے کہا کہ ڈاکٹرز “اوپن ڈور پالیسی” پر سختی سے عملدرآمد یقینی بنائیں اور کسی بھی شکایت کا بر وقت ازالہ کرنے کی بھرپور کوشش کریں گے ۔انہوں نے کہا کہ کھلی کچہری کا انعقاد روزانہ کی بنیاد پر کیا جائے گا اور درج کروائی گی شکایات کا مکمل ریکارڈ بھی مرتب کیا جائے گا تاکہ جانچ پڑتال کی جا سکے۔ پروفیسر الفرید ظفر کہا کہ کھلی کچہری کے انعقاد سے مسائل سے بر وقت آگاہی اور اُن کا فوری حل ممکن ہو سکے گا جس سے ادارے کی کارکردگی میں نمایاں بہتری آئے گی۔
=================
لاہور کالج فار ویمن یونیورسٹی جدید اور قدیم عمارتوں کا مرقع ہے اور اس کی گنگا رام بلڈنگ سوا سو سال پرانی ہے جسے محفوظ بنانے کا منصوبہ تیار کیا گیا ہے۔ وائس چانسلر لاہور کالج فار ویمن یونیورسٹی پروفیسر ڈاکٹر عظمیٰ قریشی نے بتایا کہ سر گنگا رام کی بنائی عمارت یونیورسٹی کی تاریخ میں ایک نمایاں مقام رکھتی ہے۔ دنیا بھر میں یونیورسٹیاں اپنی تاریخی انفراسٹرکچر کو محفوظ رکھنے کا اہتمام کرتی ہیں۔ اسی روائت کے تحت گنگا رام کی عمارت کو تزئین نو اور اسے محفوظ تر بنانے کا منصوبہ بنایا گیا یے۔ اس حوالے سے لاہور والڈ سٹی اتھارٹی سے معاونت کی باضابطہ درخواست کی جائے گی۔ اس پراجیکٹ سے یونیورسٹی میں پہلے سے موجود ہسٹری میوزیم کی توسیع ہوگی۔ کلاسیک فرنیچر، پرنسپلز کی پورٹریٹ، بورڈ میں پوزیشن لینے والی، قومی ٹیم کا حصہ بننے والی طالبات کی تصاویر، ایوارڈز، میڈلز اور نوادرات رکھے جائیں گے۔ جس سے طالبات، والدین اور دیگر مہمانوں کیلئے لاہور کالج فار ویمن یونیورسٹی کی تاریخ کا مشاہدہ آسان تر ہو جائے گا۔
