کراچی ( اسٹاف رپورٹر )
صدر امین شیخ
الفلاح ریزیڈنسی ویلفیئر ایسوسی ایشن کے صدر امین شیخ نے واٹر بورڈ کے اعلیٰ حکام سے مطالبہ کیا ہے کہ
پچھلے کئی سالوں سے الفلاح میں پانی کی شدید کمی کا سامنا ہے۔ اس دوران محکمہ واٹر بورڈ کے مختلف ایگزیکٹو انجینئرز کی جانب سے تین بار کوششیں کی گئیں، لیکن بدقسمتی سے ان میں سے کسی بھی ایگزیکٹو انجینئر نے اس مسئلے کو حل کرنے میں سنجیدگی سے دلچسپی نہیں لی۔ ان میں زاہد، دلاور اور علی احمد شامل تھے، مگر مسئلہ جوں کا توں رہا۔
سے الفلاح کی ایسوسی ایشن اور علاقہ مکین مختلف فورمز پر جا کر حکام سے اس مسئلے کے حل کی کوششیں کرتے رہے ہیں، مگر پانی کا مسئلہ حل نہیں ہو سکا۔
ماضی میں جامعہ پمپنگ اسٹیشن سے ایک ہائیڈرنٹ آپریٹ ہوتا تھا، اُس وقت سپلائی اور پانی مکمل تھا، لیکن جب سے وہ ہائیڈرنٹ بند ہوا ہے، پانی کی مقدار اور سپلائی نہ ہونے کے برابر ہے۔
پی پی کے ڈپٹی میئر سلمان مراد کی قیادت میں واٹر بورڈ کی ٹیم نے جامعہ سپلائی کی مین لائن کی وِنچنگ اور موٹر کی مرمت کے کاموں کو مکمل کیا، لیکن پانی کی مکمل فراہمی نہ ہونے کے سبب یہ اقدامات بھی کافی ثابت نہ ہو سکے۔
سابقہ ایم پی اے حسین بھائی اور سابقہ ایم این اے اکرم چیمہ سے بھی اس مسئلے کے حل کے لیے رابطے کیے گۓ لیکن کوئی نتیجہ برآمد نہ ہوا۔ علاقہ مکینوں نے اپنے زاتی خرچ پر تین بار پانی کی لائن کی صفائی کروائی، مگر واٹر بورڈ کی ٹیم نے بتایا کہ لائن ٹیڑھی ہے، اور جب تک یہ تبدیل نہیں کی جائے گی، پانی کی فراہمی ممکن نہیں ہوگی۔
اس سے قبل، الفلاح بلاک سی کے علاقہ مکینوں نے محتسب اعلی’ سے بھی رابطہ کیا تھا، جس کے بعد علاقے میں واٹر لائن کی ونچنگ اور مرمت کی گئی تھی، اور اس کے لیے بھی مکینوں نے اپنے ذاتی وسائل سے اخراجات کیے تھے۔
سابقہ محکمہ واٹر بورڈ کے ایگزیکٹو انجینئر (ایکسین) زاہد صاحب کے دور میں ایدھی وال سے آنے والی سپلائی لائن کو بند کر دیا گیا تھا، جس کے نتیجے میں الفلاح کی سپلائی شیڈول سے ہٹا دی گئی تھی۔ اس فیصلے کے بارے میں کسی کو آگاہی نہ تھی، اور الفلاح کو کئی سالوں سے پانی کی فراہمی بند ہے
علاقہ مکینوں نے کئی بار مختلف سیاسی جماعتوں اور حکام کے دروازے کھٹکھٹائے، لیکن ان کا مسئلہ حل نہیں ہو سکا۔ تمام آپشنز کو آزمانے کے بعد، مکینوں نے محتسب اعلی’ میں شکایت درج کی، جس کی سنوائی 23 دسمبر کو ہو چکی ہے۔
موجودہ محکمہ واٹر بورڈ کے ایگزیکٹو انجینئر عدنان رشید نے اس بات کی یقین دہانی کرائی ہے کہ وہ اس مسئلے پر ذاتی دلچسپی لیں گے اور علاقے کے دیگر مسائل کے حل میں بھرپور کردار ادا کریں گے۔
اتنی طویل جدوجہد کے بعد بھی الفلاح ڈی اور ڈی ایکسٹینشن کے علاقہ مکینوں کو پانی کی فراہمی کے حوالے سے شدید مشکلات کا شکار ہیں ۔
صدر امین شیخ
الفلاح ریزیڈنسی ویلفیئر ایسوسی ایشن
